Fotballsesongen 2009

Eid - TMFK 8-0 (3-0)
Treningskamp, Eid Idrettspark, 27. januar kl. 19.00 Eid-TMFK 8-0 (3-0) 1-0 Espen Vadøy (14. min) 2-0 Sondre Kullsveen (44. min) 3-0 Kim Vik (45. min) 4-0 Sondre Kullsveen (47. min) 5-0 Ole Gunnar Midtbø (70. min) 6-0 Ole Gunnar Midtbø (72. min) 7-0 Ole Gunnar Midtbø (85. min) 8-0 Thomas Starheim (90. min+2) Gult kort: Martin Flåten, TMFK Dommar: Ronny Stian Hopland, Skavøypoll Assistentdommarar: Gloriyan Sureskumar Kathirave, Eid og Muhamet Barlla, Eid Eid: Jim Rune Hoddevik Bjørnar Strandos (Arild Magnus Bjørhovde Rindal 68. min) Johannes Myklebust Ove Balsnes (Håvard Bruvoll 46. min) Thomas Starheim Sondre Kullsveen Anders Midthjell Jonas Rye Tvendeseter (Frode Taklo 71. min) Christoffer Hafsås (Dan Jøran Hafsås 58. min) Kim Vik (Øystein Aabrekk 71. min) Espen Vadøy (Ole Gunnar Midtbø 62. min) TMFK: Johannes Kvernevik Johnny Solhaug (Erik Hammersvik 54. min) Torstein Rutledal Eirik Holvik Thomas Taklo Marius Refvik (Johannes Barth 58. min) Martin Flåten Gisle Myhre Runar T. Blaalid Sveinung Frantzen Per Jarle Mathisen (Joachim Raknes Forthun 46. min)
Eid vann i kveld heile 8-0 mot TMFK i ein treningskamp på Eid Idrettspark. To kjappe scoringar til heimelaget like før pause avgjorde kampen. Eid tok leiinga i kampen etter 14 minutt. Kim Vik kom rundt på høgrekanten, og det presise innlegget ekspederte Espen Vadøy i mål bak Johannes Kvernevik. Like etter burde TMFK utlikna til 1-1, men avslutninga frå Sveinung Frantzen slo i tverrliggaren og over. Etter 19 minutt spelte Anders Midthjell gjennom Kim Vik på høgrekanten. Vik som var frisk i 1. omgang dribla av ein spelar før han skaut ballen i stolpen og ut. Tre minutt etter holdt Eid sin keeper Jim Rune Hoddevik på å gjere det heilt store. På ei avslutning frå Per Jarle Mathisen glapp Hoddevik ballen mellom beina, men heldigvis for Eid sin unge keeper var Thomas Starheim på plass og redda ballen på streken. Det er stor spenning til kva Christoffer Hafsås kan utrette på Eid sin venstrekant denne sesongen. Sjølv om han ikkje teikna seg på scoringslista i dagens kamp imponerte Hafsås den knappe timen han fekk spele. Størst sjanse til å score hadde Hafsås knappe halvtimen ut i fyrste omgang då han misbrukte ein dobbelsjanse etter flott forarbeid av Kim Vik. Like etter hadde Sveinung Frantzen ein ny god sjanse til å overliste Jim Rune Hoddevik i Eid sitt mål, men det gode innlegget frå Eirik Holvik heada Frantzen over frå fem meters hold. Rett før pause blei kampen avgjort med to kjappe scoringar til Eid. Sondre Kullsveen auka Eid si leiing til 2-0 etter 44 minutt. Kullsveen fekk kjempetreff frå omlag 25 meter, og ballen gjekk i mål via stolpen. Rett etter snappa Kim Vik eit tilbakespel frå ein TMFK-forsvarar. Vik runda keeper før han løfta ballen i tomt mål frå skrått hold. Dermed kunne heimelaget gå til pause på stillinga 3-0. Ut i frå spel og sjansar hadde vel kanskje 3-2 vore eit meir rettferdig resultat etter ein omgang der TMFK var langt meir med på notane enn det pauseresultatet skulle tilseie. To minutt etter pause auka Sondre Kullsveen Eid si leiing til 4-0, med si andre scoring i kampen. Kullsveen drog til frå nesten 35 meter og ballen gjekk i ei bue over Johannes Kvernevik i TMFK sitt mål. Innbyttar Ole Gunnar Midtbø kom inn knappe halvtimen før slutt, og den rutinerte karen frå sørsida av Nordfjorden brukte ikkje langt tid på å markere seg. I løpet av eit kvarter scora Midtbø hat-trick med tre fantastiske scoringar. Fyrst såg han at keeper var langt ute og løfta ballen i mål frå nesten 30 meter. Deretter dunka han ballen i mål på halvspretten, etter eit flott innlegg frå lynhurtige Øystein Aabrekk på høgrekanten. Fem minutt før slutt fullførte han hat-tricket med å chippe ballen over keeper frå skrått hold. På overtid sette kaptein Thomas Starheim eit verdig punktum på kampen då han skrudde eit frispark frå omlag 20 meter rett i krysset. Sjølv om ein ikkje skal legge alt for mykje vekt på resultata i treningskampane, fekk vi i alle fall eit bevis på at Eid har eit spennande lag på gang denne sesongen.