Fotballsesongen 2009

TMFK - Vik 4-4 (2-1)

Treningskamp, Eid Idrettspark, 3. januar kl. 13.15

TMFK:
Kenneth Fosse Elde
Torstein Rutledal
Rune Myre
Thomas Taklo
Elmar Dan Sigthorsson
Gisle Myhre
Eirik Holvik
Runar Televik Blaalid
Marius Refvik
Martin Flåten
Sveinung Frantzen

Innbyttarar:
Tommy Larsen
Ingar R. Kvalheim
Johnny Solhaug
Erik Hammersvik

Vik:
Johannes Kvernevik
Tord Hove
Idar Holen
Gustav Valsvik
Marius Valsvik
Jarle Christensen
Rene A. Haugen
Fredrik Skogsrud
Tarjei Vevle
Endre Holstad
Svein Erik Saglien

Innbyttarar:
Dag Einar Bøthun
Evrard Irakoze
Terje Målsnes
Anders Helleland

Tornado Måløy-Vik 4-4 (2-1)
1-0 Runar T. Blaalid (11. min)
2-0 Sveinung Frantzen (32. min)
2-1 Jarle Christensen (36. min)
3-1 Gisle Myhre (57. min)
3-2 Svein Erik Saglien (59. min)
4-2 Sveinung Frantzen (62. min)
4-3 Svein Erik Saglien (67. min)
4-4 Svein Erik Saglien (87. min)

Kort: Ingen

Dommar: Rune Haugland, Haugen
Assistentdommarar: Toni Lotsberg og Alf Tore Nilsen

Tornado Måløy og Vik spelte i ettermiddag 4-4 i ein treningskamp under fantastiske forhold på Eid Idrettspark.

Nyopprykka Vik starta kampen best og hadde den fyrste store sjansen etter berre tre minutt, då ein TMFK-forsvarar redda på streken etter ein corner frå Jarle Christensen. Etter dette tok TMFK over føringa i kampen og det var heilt fortent då Runar Televik Blaalid gav TMFK leiinga etter 11 minutt. Ved hjelp av eit godt løp av Sveinung Frantzen fekk Televik Blaalid lett vei mot Vik sitt mål, og frå omlag 16 meter skaut han ballen i nettmaskene. Drøye halvtimen ut i 1. omgang auka Sveinung Frantzen TMFK si leiing til 2-0. Frantzen utnytta ein tabbe i Vik sitt forsvar, og etter å ha runda keeper Johannes Kvernevik trilla han ballen i tomt mål.

Knappe ti minutt før pause reduserte Vik TMFK si leiing til 2-1. Vik sin sterke spiss Svein Erik Saglien vann ein duell inne i TMFK sin 16 meter, og headinga enda opp hos Vik sin kaptein Jarle Christensen. Christensen var kald i avslutninga og sette ballen i lengste hjørnet bak ein sjanselaus Kenneth Fosse Elde.

Vik sin keeper Stig Roar Hovland stod over dagens kamp på grunn av ein smell han fekk i grendacupen i romjula. Med sin faste keeper ute fekk Vik låne Johannes Kvernevik frå TMFK, og 16 åringen som har storspelt i vinterserien i vinter gjorde ein god kamp. Spesielt redninga på Marius Refvik sitt skot fem minutt før pause var glimrande. I siste minuttet av fyrste omgang kunne Svein Erik Saglien utlikna til 2-2, men headinga frå god posisjon gjekk over. Dermed gjekk laga til pause på stillinga 2-1 til TMFK, noko som var heilt greit ut i frå spel og sjansar.

Fire minutt ut i andre omgang var Vik berre millimeter frå å utlikne til 2-2. Gustav Valsvik kom fyrst på eit innlegg frå høgrekanten, og uheldigvis for Valsvik og Vik traff ballen innsida av stolpen før den gjekk rett i armane til TMFK sin keeper Kenneth Fosse Elde. Knappe ti minutt etter auka Gisle Myhre TMFK si leiing til 3-1. Sveinung Frantzen prøvde å spele gjennom TMFK sin venstrekant, men i det han slo pasninga somla Myhre seg inn i pasningsbana og fekk utrulig nok med seg ballen. Åleine mot keeper trilla Myhre ballen sikkert i mål. TMFK var uten tvil det beste laget i denne kampen, men Vik gav seg aldri og fekk lønn for strevet. To minutt etter 3-1 scoringa reduserte Vik til 3-2. Saglien fekk stå heilt umarket inne i TMFK sitt felt og kunne enkelt breiside ballen i mål frå kort hold.

Drøye kvarteret ut i omgangen ordna Sveinung Frantzen ny tomålsleiing til TMFK, etter eit flott gjennomspel frå Runar Televik Blaalid. Men også denne gongen var Saglien hurtig frampå og reduserte. Denne gongen kom scoringa til Saglien på heading etter ein corner frå Jarle Christensen. Etter denne scoringa virka det som at TMFK hadde full kontroll på kampen, men heilt på slutten spelte Vik seg fram til nokre gode sjansar. Innbyttar Evrard Irakoze kom inn som eit friskt pust på høgrekanten og det var nettopp Evrard Irakoze som var nest sist på ballen då Saglien fastsette sluttresultatet til 4-4 tre minutt før slutt.