|
|
|
Selje - TMFK
3-3 (1-0)
|
Vinterserien junior
herrer avd. 2, Selje Idrettspark, 2. desember kl. 19.00
Selje:
Alexander Hovdevik
Martin Hove
Aleksander Wik
Christian Sneide
Joachim Refvik
Dan Robert Warberg
Aleksander Kvernevik
Ole Andreas Solheim
Runar T. Aarsheim
Joachim L. Træet
Alexander Hove
Innbyttarar:
Susanne Vatnehol
Glenn Inge Kvernevik
Espen Sandviknes
Magnus Nore
Håkon Eltvik
|
TMFK:
Johannes Kvernevik
Simen Lyng
Erik Hammersvik
Johnny Solhaug
Magnus Christensen
Sveinung Frantzen
Gisle Myhre
Martin Flåten
Sondre Jensen
Joachim Raknes Forthun
Eirik Søraa
Innbyttarar:
Kristoffer Djuvik
Jørn Kvalheim
Kenneth Bøe
|
Selje-TMFK 3-3 (1-0)
1-0 Magnus Nore (36. min)
1-1 Sveinung Frantzen (51. min)
2-1 Joachim L. Træet (63. min)
2-2 Joachim Raknes Forthun (67. min)
3-2 Ole Andreas Solheim (68. min)
3-3 Gisle Myhre (75. min)
Kort: Ingen
Dommar: Rune Haugland
|
|
Selje og Tornado Måløy
spelte i kveld uavgjort 3-3 i vinterserien junior herrer på Selje
Idrettspark.
Det var eit sjansefattig fyrste kvarter på Selje Idrettspark i
kveld. TMFK hadde eit lite spelemessig overtak, men Selje sitt
forsvar med Aleksander Wik i spissen hadde bra kontroll. Knappe
halvtimen ut i fyrste omgang blei Magnus Nore bytta inn i Selje
sitt angrep. Dette gav Selje meir fart framover, og berre ti
minutt etter gav Nore heimelaget leiinga 1-0. Nore blei spelt
gjennom på høgrekanten og frå skrått hold avslutta han i
retning TMFK sitt mål. Ballen gjekk fyrst via ein forsvarar før
den traff keeper og trilla i mål. Knappe fem minutt etter burde
Joachim L. Træet auka leiinga til 2-0, men headinga frå god
posisjon gjekk like utanfor. På overtid hadde TMFK ein god sjanse
på ein overgang, men uheldigvis for TMFK gjekk innlegget bak
mål. Dermed gjekk laga til pause på 1-0 til heimelaget, noko som
var heilt greit ut i frå at Selje skapte mest siste 20 minutta av
omgangen.
I starten av 2. omgang var det heilt tydelig at TMFK hadde bestemt
seg for å heve seg frå det dei presterte før pause. Spelarane
var meir på hugget og etter berre to minutt av 2. omgang hadde
Sveinung Frantzen ein kjempesjanse til å utlikne til 1-1. Martin
Flåten spelte glimrande gjennom Sveinung Frantzen som kom åleine
mot Selje sin keeper Alexander Hovdevik. Frantzen avanserte med
ballen og prøvde å sette ballen forbi ein utrusande keeper, men
Hovdevik var glimrande nede og avverga med ei beinparade. Knappe
fem minutt etter utlikna TMFK til 1-1 etter ein hurtig overgang.
Seljespelar Runar T. Aarsheim spelte vegg med Magnus Nore og var
berre millimterer frå å kome åleine mot TMFK-keeper Johannes
Kvernevik. Men i staden for ein stor sjanse til Selje kontra TMFK
og ballen enda opp hos Gisle Myhre på midtbana. Gisle avanserte
nokre meter før han trilla ballen gjennom Sveinung Frantzen, som
nok ein gong kom åleine mot keeper. Denne gongen runda han keeper
og trilla ballen i det tomme målet.
Etter ein litt kjedelig 1. omgang var 2. omgang langt meir
sjanserik og artig å sjå på. På sidelinja var Kåre Bakke i
sitt ess og kom med gav klar beskjed om at TMFK måtte slutte med
eselspark i eige forsvar.
Drøye kvarteret ut i 2. omgang gav Joachim L. Træet Selje
leiinga 2-1, etter at ballen fyrst hadde slått i stolpen to
gongar. Ole Andreas Solheim gjekk rundt på venstrekanten, og avslutninga
mot lengste traff stolpen. På returen skaut også Alexander
Kvernevik i stolpen før Joachim L. Træet dunka ballen i mål på
returen. Men det var ikkje lenge Selje var i leiinga, for knappe
fem minutt etter utlikna Joachim Raknes Forthun til 2-2 etter
mykje fram og tilbake inne i Selje sin 5-meter. Ballen enda til
slutt opp hos Raknes Forthun som frå kort hold scora sikkert.
Minuttet etter tok Selje leiinga for tredje gong i kampen. Ole
Andreas Solheim fekk gå uhindra opp og frå 8-9 meter heada han
Dan Robert Warberg sitt frispark i mål.
Men TMFK gav seg ikkje og det var vel ikkje direkte ufortent då
Gisle Myhre steig til værs på ein corner frå Magnus Christensen
og heada ballen knallhardt i mål. Etter dette hadde Magnus Nore
ein gedigen sjanse til å bli matchvinnar i debuten for Selje.
Nore kom heilt åleine mot keeper etter ei pasning frå Ole
Andreas Solheim, men skotet frå 10 meter gjekk uheldigvis for
Selje over. Fleire scoringar blei det ikkje i kampen og dermed
gjekk laga i garderoben med eit poeng kvar.
Det siste poenget bør gå til arrangøren som diska opp med
julebrus, julekaker, klementiner, kaffi og varm kakao.
|
|
|
|
|
|
|
|
|
|
|
|
|
|
|
|
|
| | |
