|
|
|
Sandane - TMFK
2-3 (0-2)
|
Vinterserien junior
herrer avd. 2, Myklebustflata, 17. november kl. 19.00
Sandane:
Simon Andre Gimmestad
Martin Akse
Sindre Eimhjellen
Marius Hallem
Erik Slagstad
Isak Solheim
Ronny Viken
Vegard Pedersen
Runar Myrold
Lasse Erdal
Andreas Vereide
Bjørge Eikelund
Are Nyhammer
Eirik Kaale
Sondre Andenes
|
TMFK:
Johannes Kvernevik
Johnny Solhaug
Erik Hammersvik
Eirik Søraa
Magnus Christensen
Tommy Larsen
Martin Flåten
Gisle Myhre
Sondre Jensen
Joachim Raknes Forthun
Sveinung Frantzen
Øystein Teige
Kristoffer Djuvik
Jørn Kvalheim
|
Sandane-Tornado Måløy 2-3 (0-2)
0-1 Martin Flåten (23. min)
0-2 Joachim Raknes Forthun (27. min)
1-2 Isak Gangeskar Solheim (47. min)
1-3 Sveinung Frantzen (48. min)
2-3 Isak Gangeskar Solheim (55. min)
Gule kort: Lasse Erdal, Sandane og Martin Flåten, TMFK.
Dommar: Ståle Sandal, Breimsbygda
|
|
Tornado Måløy vann 3-2 mot Sandane i ein utrulig spennande og sjanserik kamp på kunstgrasbana på Sandane. Kampen var eit langt samanhengande angrep med mange store sjansar til begge lag.
TMFK tok leiinga 1-0 etter 23 minutt av fyrste omgang. Etter eit innkast på venstresida enda ballen opp hos Martin Flåten inne i Sandane sin 16 meter. Flåten gjekk nokre meter før han sette ballen sikkert i mål bak ein sjanselaus Simon Andre Gimmestad. I denne perioden var bortelaget skikkelig på hugget, og berre fire minutt etter auka Joachim Raknes Forthun TMFK si leiing til 2-0. Gisle Myhre fekk gå upressa i rommet framfor Sandane sin 16-meter, og frå omlag 20 meter trilla han ballen til Forthun, som åleine mot keeper skaut ballen i mål. Like etter burde en av kampens store spelarar, Isak Gangeskar Solheim, redusert til 2-1. Sandane kom 2 mot 1, og ballførar Andreas Vereide trilla ballen til Solheim som kom åleine mot keeper. Solheim brukte litt lang tid i avslutninga og ein TMFK-forsvarar fekk hindra Solheim nok til at ballen gjekk til corner. Fire minutt etter var det Solheim som spelte gjennom spissmakker Vereide, men avslutninga frå Vereide gjekk uheldigvis for heimelaget like utanfor. På slutten av omgangen hadde begge laga fleire gode sjansar til å score, men det blei med dei to måla til bortelaget før kvilen. Med unntak av ein periode på omlag ti minutt der TMFK scora dei to måla var det ein jamnspelt 1. omgang dei omlag 50 tiskodarane fekk sjå på den flotte kunstgrasbana på Sandane.
Viss det er mulig var andre omgang hakket endå meir underholdande enn det 1. omgang var. Etter drøye minuttet reduserte Isak Gangeskar Solheim til 2-1. Andreas Vereide kom seg rundt på venstrekanten og slo ballen inn til Solheim som scora enkelt frå kort hold. Minuttet etter auka Sveinung Frantzen TMFK si leiing til 3-1 etter eit vakkert angrep. Ballen gjekk fort i lengderetninga og til slutt enda ballen opp hos Frantzen som åleine mot keeper sette ballen i lengste hjørnet. To minutt etter spelte heimelaget ball i hatt med TMFK, og berre litt unøyaktighet i den siste pasninga gjorde at ikkje Isak Gangeskar Solheim scora sitt andre mål for dagen. Men ti minutt ut i omgangen kom Solheim sitt andre mål, etter nok eit vakkert Sandaneangrep. Runar Myrold spelte gjennom Andreas Vereide på venstrekanten. Vereide vende vekk ein forsvarar før han skaut frå hjørnet av 16-meteren. Keeper Johannes Kvernevik måtte gje retur på det gode skotet, og Isak Gangeskar Solheim dukka opp og dunka ballen i nettet frå 6-7 meter.
Like etter denne scoringa bølga spelet fram og tilbake, og det var heilt utrulig at det ikkje blei scoringar i denne perioden. Litt etter litt tok TMFK over mesteparten av spelet og i ein periode på omlag ti minutt midt i omgangen hadde dei store sjansar til å punktere kampen. Men takka vere ein god keeper i Simon Gimmestad og eit godt kjempande forsvar makta ikkje TMFK å omsette det spelemessige overtaket i scoringar.
Siste kvarteret av kampen var Sandane det førande laget og det var heilt utrulig at dei ikkje makta å utlikne TMFK si leiing. Ti minutt før slutt kom kanskje den største sjansen. Isak Gangeskar Solheim som var både høgt og lavt i dag hadde eit fantastisk raid på høgrekanten. Heilt nede på dødlinja slo han ballen inn i feltet, men utrulig nok gjekk ballen forbi tre Sandanespelarar og rett gjennom heile feltet. Ein Sandanespelar slo ballen over igjen til Solheim som skaut ballen i stolpen.
Lasse Erdal spelte ein kjempekamp på Sandane si midtbane, og i periodar tok han luven av langt meir meritterte Gisle Myhre. Knappe fem minutt før slutt gjekk Myhre seirande ut av ein duell med Erdal og trilla ballen lekkert gjennom til Magnus Christensen. Christensen fekk avslutta frå god posisjon, men Gimmestad i Sandane sitt mål redda. Den siste store sjansen i kampen hadde Sandane like før slutt, men keeper Johannes Kvernevik varta opp med ei kanonredning og fekk slått skotet frå omlag 16-meter til corner. Fleire scoringar blei det ikkje i kampen, og dermed står TMFK med full pott seks poeng etter to kampar, medan Sandane har null poeng på sine to kamper.
Dei spelarane som imponerte mest i dag var dei to 15-åringane på topp hos Sandane. Andreas Vereide og Isak Gangeskar Solheim var ein stadig trussel mot TMFK sitt forsvar. Lasse Erdal som til vanlig har spelt på kanten var flytta inn sentralt på midtbana i dagens kamp. Dette løyste han på ein framifrå måte og var i store delar av kampen hakket bedre enn langt meir meritterte Gisle Myhre. På TMFK sitt lag var det vel ingen som utmerka seg noko spesielt, men laget kan takke keeper Johannes Kvernevik for eit par kanonredningar heilt på slutten for at det blei tre poeng i kveld.
|
|
|
|
|
|
|
|
|
|
|
|
|
|
|
|
|
|
| | |
