Fotballsesongen 2008




Color Line Cup 2008, torsdag 17. januar 

 

Kristian Opseth blei den store helten med fire scoringar då Sogndal vann 4-2 mot Brann i Color Line Cup. Sogndal tok leiinga 1-0 etter 17 minutt. Kristian Opseth stakk gjennom eit stilleståande Brannforsvar, og sette ballen sikkert i mål. Knappe fem minutt før pause er Gøran Wigum for hard mot ein Brannspelar og dommaren peika på straffemerket. Straffa sette Mathias Møvik sikkert bak Karl Edvin Lysne i Sogndalmålet. Det blei med desse to scoringane i 1. omgang og laga gjekk til pause på stillinga 1-1. Sogndal starta omgangen klart best, men Brann kom bedre med etterkvart. 

Etter pause fekk endelig Florøspelar John Felipe Holmgren sleppe til på Sogndal si midtbane. Etter underteikna si mening er Holmgren den klart beste midtbanespelaren Sogndal har i troppen, men heller ikkje i dag var Holmgren i Sogndal sin fyrste-ellevar. Før minuttet av andre omgang var spelt slo Holmgren ballen gjennom på ein-touch til Oddbjørn Skartun på høgrekanten. Skartun gjekk til linja og la tilbake til måltjuven Kristian Fardal som plasserte ballen i nettet bak Brannkeeper Jørgen Mohus. Knappe tjue minutt før slutt auka Opseth Sogndal si leiing til 3-1. Opseth stakk frå Brannforsvaret etter ei flott pasning frå Oddbjørn Skartun, og chippa ballen elegant over keeper. To minutt etter var det Per Egil Flo som sto for forarbeidet til Opseth si fjerde scoring for dagen. Flo som blei flytta frå back og fram på kanten like før slo eit perfekt legg til Opseth på bakerste stolpe. Opseth møtte ballen slik ein måltjuv gjer og auka Sogndal si leiing til 4-1. Eit minutt på overtid fastsette Preben Borgen sluttresultatet til 4-2, etter ein markeringssvikt i Sogndal sitt forsvar. 

Sogndal-Brann 4-2 (1-1)
1-0 Kristian Opseth (17. min)
1-1 Mathias Møvik, straffe (41. min)
2-1 Kristian Opseth (46. min)
3-1 Kristian Opseth (72. min)
4-1 Kristian Opseth (74. min)
4-2 Preben Borgen (90. min+1)

Sogndal: 
Karl Edvin Lysne 
Per Egil Flo
Øystein Lerum
Thomas Starheim
Even Hovland
Gøran Wigum (John Felipe Holmgren 46. min)
Gisle Myhre
Bernt Norevik (Thomas Ness 70. min)
Sveinung Frantzen (Jon Eirik Myhre 46. min)
Oddbjørn Skartun (Alexander P. Øren 76. min)
Kristian Opseth

Sogndal står bokført med seks poeng på to kampar, og leiar dermed Pulje A etter at Lyn "berre" greidde 1-1 mot Molde i ettermiddag. Laurdag spelar Sogndal den siste kampen i gruppespelet mot Lyn, og då trur underteikna at Glomnes sine menn får sitt fyrste tap i turneringa.

Slik tippar underteikna at cupen endar:
1. Midtjylland
2. Lyn
3. Rosenborg
4. Sogndal
5. Vålerenga
6. Molde
7. Ålesund
8. Brann

Resultat torsdag 17. januar:
Lyn Oslo - Molde 1-1 (0-1)
Midtjylland - Rosenborg 2-1 (1-1)  
Sogndal - Brann 4-2 (1-1)
Vålerenga - Aalesund 6-3 (4-0)

Midtjylland vann 2-1 mot Rosenborg, i det ein må kalle den moralske finalen i årets Color Line Cup. Midtjylland og Rosenborg er dei klart beste laga i turneringa og det var stor spenning før kampen mellom dei to laga i ettermiddag. Midtjylland tok leiinga på straffespark tidleg i fyrste omgang. Rett før pause utlikna RBK til 1-1, også dette målet kom på straffespark. Knappe kvarteret før slutt sette Sekou Jabateh Oliseh inn vinnarmålet, då han lynkjapt sprang frå RBK-forsvaret og trilla ballen mellom beina på Rosenborg sin keeper.       

Tabell Pulje A:
1. Sogndal  2 2 0 0 9-6  6 
2. Lyn  2  1 1 0 3-1  4
3. Molde  2  0 1 1 5-6  1 
4. Brann  2  0 0 2 2-6  0

Tabell Pulje B: 
Midtjylland  2 2 0 0 7-2  6 
Rosenborg  2 1 0 1 4-2  3
Vålerenga  2 1 0 1 6-6  3  
Ålesund  2 0 0 2 4-11  0