Fotballsesongen 2009

Eid - Førde 3-3 (3-3) 4-4 etter ekstraomgangar
Kvalifisering NM G16, Eid Idrettspark, 4. mars kl. 19.15 Eid-Førde 3-3 (3-3) 4-4 etter ekstraomgangar 0-1 Øyvind Blikra (12. min) 1-1 Øyvind Strøm (23. min) 1-2 Frode Fjørstad (25. min) 2-2 Erik Rotihaug (30. min) 3-2 Erik Rotihaug (35. min) 3-3 Kim Andre Herstad (36. min) 3-4 Kim Andre Herstad (94. min) 4-4 Øystein Aabrekk (96. min) Gule kort: Øystein Aabrekk og Lars Kongsvol, begge Eid. Kim Andre Herstad, Førde Dommar: Ronny Stian Hopland, Skavøypoll Eid: Sindre Karadas Jørn Nord Jepsen Ole Martin Hoddevik Lars Kongsvoll Torbjørn Aabrekk Simen Hjelmeland Andreas Bjørhovde Heggedal Øystein Aabrekk Sondre Nordnes Sørland Erik Rotihaug Øyvind Strøm Innbyttarar: Mats Stien Myrold Fredrik Fjelldal August Skjerven Jon Simen Myrstad Erling Mostad Førde: Fredrik Hansen Torgeir Våge Andre Myrekrok Torbjørn Solvik Mats Andersen Kristian Langedal Sindre Alisøy Øystein Bøyum Øyvind Blikra Einar By Tobias Oppedal Torstein Frøholm Ørjan Holjo Bjørnar Hellenes Kim Andre Herstad Frode Fjørstad

Cupkampen mellom guttelaga til Eid og Førde blei ein thriller av dei sjeldne. Etter ein fartsfull og god kamp var stillinga 3-3, og laga måtte ut i ekstraomgangar. I ekstraomgangane scora laga kvart sitt mål og Førde gjekk dermed vidare på bortemål. Førde starta kampen best og etter 12 minutt heada Øyvind Blikra Førde i leiinga 1-0. Blikra raga høgast på eit innlegg frå høgrekanten, og headinga gjekk i mål via fingertuppane til Eid sin keeper Sindre Karadas. Drøye ti minutt etter utlikna Øyvind Strøm til 1-1. Øystein Aabrekk spelte ballen ut til Sondre Nordnes som dribla av Førde sin venstreback. Innlegget gjekk forbi keeper og heilt inn til Strøm som sklei ballen i mål på bakerste stolpe. Men Førde brukte berre to minutt på å gå opp i leiinga i kampen igjen. Frode Fjørstad fekk stjernetreff på eit frispark fra langt hold, og ballen gjekk i mål til høgre for keeper Sindre Karadas. Førde var hakket bedre enn Eid i den fyrste halvtimen og det var slett ikkje ufortent at Førde leia 2-1. Småguttespelar Erik Rotihaug imponerte då han fekk sjansen i 2. omgang i guttekampen mot TMFK. I dag var venstrekanten på bana frå start og laga likegodt to mål i 1. omgang. 2-2 kom etter 30 minutt på eit innlegg frå Sondre Nordnes. Nordnes sitt innlegg var nesten ferdigscora, og Rotihaug kunne enkelt styre ballen i mål frå 7-8 meter. Rotihaug sitt andre mål var det klasse over. På ein retur frå keeper knalla Rotihaug i mål på halvspretten frå omlag ti meter. Minuttet etter surra Eid det til for seg sjølv. Ei tversoverpasning på eigen banehalvdel blei snappa opp av Førde sin hurtige spiss Kim Andre Herstad. Herstad avanserte nokre meter før han skaut ballen i mål. Fleire scoringar blei det ikkje før pause og laga gjekk til ein meget fortent pause på stillinga 3-3. Knappe tjue minutt etter pause burde Førde tatt leiinga 4-3. Kim Andre Herstad utnytta farten sin og Lars Kongsvoll måtte felle Førde sin hurtige angripar på full fart gjennom Eid sitt forsvar. Kongsvoll fekk heilt korrekt gult kort og Førde fekk frispark. Frisparket blei slått inn i feltet og det err heilt utrulig at Førde ikkje scora på ein av dei tre store sjansane dei fekk i denne situasjonen. På slutten av omgangen tok Eid meir og meir over og spelte seg fram til to store sjansar omlag ti minutt før slutt. På den fyrste sjansen kom Eid sin høgreback Ole Martin Hoddevik rundt på høgrekanten. Innlegget traff ein umarkert Jon Simen Myrstad som klinka til med høgrefoten på fyrste touchen. Uheldigvis for Eid redda ein Førdespelar ballen på streken. Like etter kom Sondre Nordnes rundt på høgrekanten. Innlegget var glimrande, men ein Førdespelar fekk rensa ballen ut til corner. I tillegg til desse hadde Eid tre frispark frå god posisjon som dei burde utnytta bedre. Fleire scoringar blei det ikkje og kampen gjekk til 2x10 minutt ekstraomgangar. I ekstraomgangane skulle i følge dommar Ronny Stian Hopland bortelaga sine mål telle dobbelt. I 1. ekstraomgang var Førde klart best og hadde tre store sjansar til å score. Spesielt hadde Eid problem med Kim Andre Herstad sin ekstreme hurtighet på topp. Etter to minutt stakk Herstad frå sin oppassar og skaut ballen på innsida av stolpen. Tre minutt etter måtte Øystein Aabrekk felle Herstad på full fart gjennom Eid sitt forsvar. Aabrekk fekk gult kort for fellinga, og var kanskje litt heldig i denne situasjonen. Like etter på ein corner frå Torstein Frøholm gjekk ballen rett gjennom heile feltet, og Sindre Alisøy var berre millimeter frå å nå ballen på bakerste stolpe. To minutt før pause var Herstad nok ein gong på vei i gjennom Eid sitt forsvar. Eid sin beste spelar, Torbjørn Aabrekk, var tøff i duellen med Herstad og fekk skjerma ballen inn til keeper. Etter ein 1. ekstraomgang der Førde hadde full kontroll og alle sjansane kom Eid meir med i 2. ekstraomgang. Fire minutt ut i omgangen gav Kim Andre Herstad Førde leiinga 4-3. Herstad vann ein duell med Eid sin keeper Sindre Karadas, og frå skrått hold kunne han trille ballen i tomt mål. Eid måtte no score to mål for å få straffesparkkonkurranse, og like etter Førde sitt mål utlikna Øystein Aabrekk til 4-4. Innbyttar Mats Stien Myrold slo ein perfekt stikkar til Aabrekk som kontrollert frå 14 meter dunka ballen ned til venstre for keeper. Eid gav seg ikkje men etter 100 spelte minutt kunne Førde juble for avansement til 1. runde i NM G16.