Treningskamp,
Eid Idrettspark, 6. februar kl. 19.00
Eid:
Jim Rune Hoddevik
Bjørnar Strandos (Arild Magnus Bjørhovde Rindal 46. min)
Johannes Myklebust
Thomas Starheim
Håvard Bruvoll
Sondre Kullsveen (Torbjørn Aabrekk 65. min)
Anders Midthjell (Geir Moldestad 81. min)
Jonas Rye Tvendeseter
Kim Vik
Espen Vadøy (Øystein Aabrekk 65. min)
Dan Jøran Hafsås (Christoffer Hafsås 46. min)
Jølster:
Stian Helgås
Geir Andre Erikstad
Stian Kvellestad
Ole Johan Skrede
Ole Martin Bolset
Johan Guddal Sunde
Jon Arild Halland
Kristian Helle
Vegard Flatjord
Knut Øystein Ripe
Daniel Fluge
Innbyttarar:
Steffen Fjørstad
Kristoffer Hundershagen
Tom Erik Sandal
Arvid Bakke
Stig Henning Sunde
Eid-Jølster 2-2 (0-0)
1-0 Espen Vadøy (52. min)
1-1 Knut Øystein Ripe (57. min)
1-2 Kristoffer Hundershagen (76. min)
2-2 Christoffer Hafsås (80. min)
Gult kort: Johan Guddal Sunde, Jølster
Dommar: Rune Haugland, Haugen
Assistentdommarar: Gloriyan Sureskumar Kathirave, Eid og
Muhamet Barlla, Eid
Eid og Jølster spelte i kveld 2-2 i ein treningskamp
på Eid Idrettspark. Etter å ha nedsabla Tornado
Måløy heile 8-0 i sist treningskamp fekk heimelaget
langt meir motstand i dagens kamp.
Jølster starta kampen best og spelte seg fram til
to-tre halvsjansar fyrste kvarteret. Jølster var langt
meir på hugget enn heimelaget, og det hadde ikkje vore
ufortent om Jølster hadde tatt leiinga tidlig i kampen.
Etter 30 minutt spelte Eid seg fram til sin største
sjanse før pause. Anders Midthjell kom heilt fri på
16-meteren, men lobben frå Midthjell gjekk rett på
Jølsterkeeper Stian Helgås.
Andre omgang starta med ein stor sjanse til Eid sin
innbyttar Christoffer Hafsås. Hafsås dempa ballen på
brystet, men uheldigvis for Hafsås gjekk skotet frå
omlag 16 meter like utanfor. Like etter tok Eid leiinga
1-0 ved Espen Vadøy. Johannes Myklebust fossa fram på
høgrekanten og innlegget enda etter litt fram og
tilbake opp hos Espen Vadøy inne i feltet. Vadøy var
kald og rolig i avslutninga og sette ballen sikkert i
mål frå 6-7 meter hold.
Fem minutt etter utlikna Jølster til 1-1 ved Knut
Øystein Ripe. Kristoffer Hundershagen som debuterte for
Jølster i dag vann ballen høgt oppe på Eid sin
banehalvdel. Hundershagen spelte glimrande gjennom Knut
Øystein Ripe som kom heilt åleine mot Eid sin keeper
Jim Rune Hoddevik. Avslutninga til Ripe redda Hoddevik
glimrande, men uheldigvis for Eid sin unge keeper snappa
Ripe ballen igjen og trilla ballen i tomt mål.
25 minutt før slutt blei Eid sitt stortalent Torbjørn
Aabrekk bytta inn, og fekk dermed sin debut for A-laget
til Eid. Fem minutt etter var Aabrekk på rett plass
inne i feltet og fekk avverga ein kjempesjanse til
Jølster. Eit innlegg frå høgrekanten trilla på tvers
inne i feltet, og Johan Guddal Sunde hadde berre å
sette breisida til. Torbjørn Aabrekk las situasjonen
glimrande og fekk kasta seg inn i situasjonen og klarert
ballen ut av farlig sone. I denne perioden fekk Eid
virkelig køyrt seg og det var heilt fortent då
Kristoffer Hundershagen gav bortelaget leiinga 2-1 etter
76 minutt. Eit langt innkast frå Arvid Bakke blei
klarert ut i feltet der Hundershagen dunka ballen
knallhardt i mål frå 14-15 meter.
Jølster kunne etter denne scoringa punktert kampen, men
i staden for scoring til Jølster utlikna Christoffer
Hafsås til 2-2 etter 80 minutt. Hafsås kom fyrst på
eit langt framspel frå Johannes Myklebust, og headinga
frå langt hold gjekk over keeper Helgås og i
mål.
Fleire scoringar blei det ikkje i kampen, og alt i alt
var vel kanskje uavgjort eit greit resultat ut i frå
spel og sjansar.
|
|
