|
|
|
TMFK -
Sogndal 3-1 (3-1)
|
Finale Vinterserien,
Sandane kunstgras, 13. januar kl. 19.00
TMFK:
Johannes Kvernevik
Simen Lyng
Magnus Christensen
Erik Hammersvik
Eirik Søraa
Johnny Solhaug
Marius Refvik
Martin Flåten
Gisle Myhre
Sondre Jensen
Sveinung Frantzen
Innbyttarar:
Tommy Larsen
Joachim Raknes Forthun
Øystein Teige
Kristoffer Djuvik
Kenneth Bøe
Kristoffer Steenslid
|
Sogndal:
Karl Edvin Lysne
Vegard Sandvoll
Halvor Fretland
Eivind Daniel Røed
Ivar Løvik
Thomas Ness
Gøran Wigum
Kenneth Nondal
Thomas Dyrddal
Ola Skram
Ørjan Hopen
Innbyttarar:
Glody Kuma
Vegard Aasen
Brede Fardal
Olav Fretland
Kai Haugen
Leif Teigen
|
Tornado Måløy-Sogndal 3-1 (3-1)
1-0 Eirik Søraa (2. min)
2-0 Sveinung Frantzen (11. min)
3-0 Sveinung Frantzen (34. min)
3-1 Gøran Wigum (36. min)
Rødt kort: Gøran Wigum, Sogndal
Gult kort: Ørjan Hopen, Sogndal og Erik Hammersvik og
Joachim R. Forthun, begge TMFK
Dommar: Ronny Stian Hopland, Skavøypoll
Assistentdommarar: Kjell Alme, Sandane og Kaj Inge
Fløde Stadlandet
|
|
Tornado Måløy vann i kveld 3-1 over Sogndal i finalen i
årets vinterserien for junior herrer.
TMFK sjokkopna på kunstgrasbana på Sandane i kveld.
Allereie etter 20 sekund kunne Johnny Solhaug gitt TMFK
leiinga, men Sogndal sin keeper Karl Edvin Lysne redda
glimrande. Etter to minutt gav midtstoppar Eirik Søraa
TMFK leiinga 1-0, etter ein glimrande corner frå Marius
Refvik. Corneren skrudde seg høgt inn mot bakerste
stolpe, og keeper Lysne fekk så vidt handa på ballen.
Ballen gjekk i ein bue opp i lufta før den dala ned i
beina til Søraa som scora enkelt frå fire meter.
TMFK var virkelig på hugget i starten av kampen og sette
inn presset langt oppe på Sogndal sin banehalvdel. Banas
beste spelar Sveinung Frantzen snappa ballen frå ein
Sogndalspelar, og slo ei tunnelpasning til Gisle Myhre.
Myhre trilla ballen vidare igjen til Sveinung Frantzen som
åleine med keeper skaut ballen under keeper og i
mål.
Dette såg ut til å vekke Sogndal og i løpet av dei
neste fem minutta skapte Sogndal tre svært gode sjansar.
Ørjan Hopen var delaktig i det meste Sogndal skapte
framover i dagens kamp, men iherdig innsats i TMFK sitt
forsvar og litt utur i avslutningane gjorde at Sogndal
ikkje scora på nokon av desse sjansane. I staden for
scoring til Sogndal så var det TMFK som nok ein gong
makta å overliste Lysne i Sogndal sitt mål etter 34
minutt. Sveinung Frantzen fekk ballen etter at ein
Sogndalspelar feilrekna eit framspel frå Gisle Myhre.
Åleine mot keeper var Frantzen nok ein gong dødelig
effektiv og TMFK var i leiinga 3-0.
To minutt etter reduserte Sogndal til 3-1, og redda med
det spenninga i kampen. Gøran Wigum kom høgast på ein
corner og Johannes Kvernevik var sjanselaus på den gode
headinga. Etter reduseringa dabba tempoet og ingen av laga
spelte seg fram til fleire sjansar før kvilen.
I starten av 2. omgang pressa Sogndal på for å redusere
ytterligare, men Sogndal hadde ikkje marginane med seg og
TMFK slapp med skrekken. Drøye kvarteret ut i omgangen
var TMFK berre centimeter frå å punktere kampen. Gisle
Myhre spelte gjennom Sveinung Frantzen som på
halvspretten dunka ballen via fingertuppane til Lysne og i
tverrliggaren. Drøye fem minutt etter fekk Gøran Wigum
det raude kortet av dommar Ronny Stian Hopland. Wigum
hevna seg på ein TMFK-spelar, og Sogndal måtte dermed
spele resten av kampen med ti mann. Dette gjorde nok sitt
til at resten av kampen blei ein rein transportetappe.
Etter kampen tok kaptein Gisle Myhre i mot pokalen frå
SFFK sin representant Rune Sunde.
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| | |
