Siste nytt

31.08 Eid vann 4-2 mot Hornindal
Damelaget til Eid vann i dag 4-2 mot Hornindal på Eid Idrettspark. Laga gjekk til pause på stilling 1-1. Sunniva Hagen sette inn Eid sitt mål før kvilen.  I andre omgang auka Tonje Norheim Tangerud til 2-1, og like etter sette Siri Olaug Nordnes inn 3-1 på eit lekkert langskot. Lisa Skarstein laga Eid sitt siste mål for dagen då ho kontrollert trilla ballen i mål åleine mot keeper. På overtid fekk Hornindal eit trøystemål slik at sluttresultatet i kampen blei 4-2. 

Eid ligg med dette resultatet på tredje plass i 3. divisjon når to kampar står igjen å spele. 10. september er det duka for bortekamp mot Jølster, medan sesongen avsluttast med heimekamp mot Stryn/Oppstryn laurdag 17. september. 


30.08 Heia tapte 8-1 mot Skavøypoll II
Heia tapte heile 8-1 mot Skavøypoll på bortebane i kveld. Total kollaps var kaptein, Rune Venøy , sin kommentar etter kampen. Skavøypoll leia 2-0 til pause og i andre omgang rann måla inn. Debutant på Heia i kveld Ole Sunde fekk æra av å sette inn Heia sitt trøystemål.

I ein annan kamp i samme avdeling vann formlaget Veten/Hardbagg 5-2 mot Oppstryn II. Med dette resultatet er Veten/Hardbagg oppe i samme poengsum som Haugen, men Veten/Hardbagg har ein kamp meir spelt. 


Fredag 2. september spelar Haugen bortekamp mot Stadlandet/Selje II.
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   

 


29.08 Arne og Steffen delar fyrsteplassen
Arne Refsnes laga tre mål i hengekampen mot TMFK III sist torsdag. Dermed er Arne oppe i tolv mål og delar fyrsteplassen i måljegeren med Steffen Sture Olsen. Eit mål bak duoen på topp ligg Veten/Hardbagg-spelar Tommy Lykkebø. På delt fjerdeplass med ti skåringar finn vi Jim Tore Humborstad, Tom Roger Hjelle og Marius Svoren. Det er til no laga 310 skåringar på 51 kampar, noko som gjev eit snitt på 6,1 skåringar pr. kamp.  

Les heile lista. 

Fredag 2. september spelar Haugen bortekamp mot Stadlandet/Selje II.
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   


28.08 Haugen vann 4-3 mot TMFK III
Haugen vann i kveld 4-3 mot TMFK III i flomlyset på Eid Idrettspark. Haugen tok leiinga allereie etter seks minutt då Mikael Myklebust heada inn ein retur frå tverrliggaren. Omlag ti minutt etter utlikna TMFK etter eit glimrande angrep som blei avslutta av sjefen sjølv Jon Edgar Johnsen og laga var like langt. Etter dette tok Haugen føringa i kampen og det var fortent då Jim Andre Balsnes gav Haugen leiinga 2-1 på eit langskot. Rett etter auka Cato Magne Humborstad Haugen si leiing til 3-1. Ein glimrande stikkar gjorde at Cato Magne kom åleine mot TMFK sin keeper, og kjølsdølen netta sikkert.  3-1 vart også pauseresultatet etter ein omgang med mange sjansar til begge lag. Andre omgang starta med at Hans Ottar Humborstad auka leiinga til 4-1 etter eit fint legg frå broder Jim Tore. Då trudde dei fleste at Haugen hadde punktert kampen men TMFK gav seg ikkje, og tii minutt etter reduserte Morten Lyng til 4-2. Etter dette hadde begge lag hadde mange sjansar som dei burde skåra på men det blei ikkje skåring før på overtid då Geir Ove Refvik reduserte til 4-3 på straffe. 

Sjå kampfakta frå kampen.




28.08 Eid eit steg nærmare opprykk
Eid vann i ettermiddag 4-3 mot Førde sine nest beste. Eid hadde ei betryggande 3-0 leiing då dei bytta ut Henning Haugen og Asle Myrold. Dette gjorde sitt til at Førde kom inn i kampen igjen og på stillinga 3-2 hadde Førde sjansar til å utlikne til 3-3. Men Eid hadde hellet med seg og Edgar Flo laga det deilige 4-2 målet 5 minutt før slutt. På overtid fekk Førde straffe og på ny vart det spenning i kampen, men Eid greidde å ri det av og tre poeng var i boks. Litt dramatikk vart det også på slutten då dommar Per Olav Erikstad frå Jølster plutseleg vifta rundt seg med både gule og raude kort. 

Kampfakta:
1-0 Anders Midthjell (17. min)
2-0 Asle Myrold (43. min)
3-0 Asle Myrold, straffe (58. min)
3-1 Stian Evebø (73. min)
3-2 Stig Hårklau (79.min)
4-2 Edgar Flo (84. min)
4-3 Stian Evebø, straffe (90. min)

Rødt kort: Robert Nistad, Førde II
 



28.08 Eid Idrettspark opnar offisielt i dag
I dag blir Eid Idrettspark offisielt opna. Det heile startar med opptog gjennom gata til Eid Idrettspark kl. 14.30. Deretter går det kast i kast med opning klokka 15.00 og kampane Eid-Førde II og Haugen-TMFK III. Det er meldt om ein del regn i ettermiddag men kanskje blir det opphold akkurat rundt opninga. Temperaturen blir rundt elleve grader så det kan vere lurt å ta på seg godt med klede.    

Ver med og tipp sluttresultatet i kampen Haugen-TMFK III og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   



26.08 Fotballbussen rullar igjen 

Etter ei sommarpause prøvar Sogndal Fotball til igjen med fotballbuss frå Nordfjord til Sogndal. Søndag vitjar Bryne Fosshaugane.

Etter ein elendig vårsesong ser det ut til at Sogndal endeleg har fått skuta på rett kjøl igjen. Med sentrale spelarar attende etter skade og nye krefter inn i laget, står Sogndal fram som eit heilt nytt lag. Tryggheita og sjølvtilliten er tilbake, og spelet vert betre og betre for kvar kamp.

Til helga får Sogndal sjansen til å revansje det flaue tapet på Jæren i vår, og bevise at dei held mål. Med siger mot Bryne vil faktisk Sogndal tenne eit lite håp om kvalifiseringsplass til tippeligaen igjen.

For skarve 300 kr får du billett til buss t/r og sittetribuna.

Rutetider:
Måløy 14:30
Maurstad 14:50
Eid: 15:30
Lote: 15:50
Kleivedammen: 16:10 NB!
Byrkjelo:16:30
-----
Stryn 15:30
Loen  15:40
Olden 15:45
Innvik 16:05
Byrkjelo 16:35

Framme Sogndal 17:50

Les meir om Nordfjordsamkøyringa



26.08 Heia sin kamp mot Stadlandet/Selje II er utsett
Kampen til Heia som skulle spelast laurdag kveld er utsett på grunn av at Stadlandet/Selje II ikkje kunne stille lag. Kjem tilbake med meir informasjon om kor tid kampen blir spelt når tidspunktet er klart. 

Haugen sin motstandar søndag, TMFK III, vann torsdag 4-3 på heimebane mot Stadlandet/Selje II. Dermed er TMFK III med heilt i toppen og med siger mot Haugen søndag overtek dei andreplassen på tabellen. Eid II vann tysdag 8-1 mot Oppstryn II på Lund Stadion. Mykje rart skal vel skje om ikkje Eid II også i år toppar tabellen etter at serien er ferdigspelt. 


23.08 Kampen mot TMFK er utsett til søndag
Kampen mot TMFK III som skulle vore spelt i kveld er utsett fordi TMFK III ikkje greier å stille lag. Kampen blir spelt på Eid Idrettspark søndag 28. august kl. 19.30. Same dag skal Eid Idrettspark opnast og Eid spelar heimekamp mot Førde II kl. 17.30. 

Heia sin heimekamp mot Stadlandet/Selje II er flytta frå fyrstkommande  fredag til laurdag kl. 15.00. 

TMFK III sin hengekamp mot Stadlandet/Selje II blir spelt på Måløy Stadion torsdag 25. august kl. 19.00.

NB! Haugen trenar i dag kl. 20.15 på Eid Idrettspark.


21.06 Magne Elde leiar framleis
Magne Elde leiar framleis tabellkonkurransen etter at ein del av haustkampane er avvikla. Magne Elde har 14 feilpoeng og leiar med minst mogleg margin på Kay Rune Solheim og Jan Fuglestag. I den andre enden av resultatlista ligg Øyvind Løkling.  
Navn Poeng Rett plass
Magne Elde 14 2
Kay Rune Solheim 14 1
Jan Fuglesteg 14 1
Jim Tore Humborstad 16 1
Runar Aa. Olsen 16 1
Kay Ove Hafsås 16 0
Vebjørn Skrede 18 2
Øyvind Haraldsen 18 2
Stian Aaland 18 1
John Henrik Bjørlo 20 1
Stein Inge Strøm 22 3
Sujeevan Mohanarajah 22 2
Rune Aabrekk 22 1
Rune Venøy 22 0
Hans O. Humborstad 24 2
Hildegunn Balsnes 24 1
Sindre Kvalheim 24 1
Bjørn E. Moldestad 24 0
Bjørn Erik Bruvoll 24 0
Øyvind Løkling 26 0






21.08 Steffen Sture Olsen leiar måljegeren
Steffen Sture Olsen leiar måljegeren etter at han laga tre mål mot Flatraket sist tysdag. Steffen har laga tolv mål og har med det to meir enn Jim Tore Humborstad og Tom Roger Hjelle. Målkomiteen har handsama saka til Tom Roger Hjelle og er komt fram til at han får godkjent begge skåringane i kampen mot TMFK III. Det er til no laga 279 skåring på 47 kampar, noko som gjev eit snitt på litt under 6 skåringar pr. kamp.  

Les heile lista. 

Tysdag 23. august spelar Haugen heimekamp mot TMFK III. 
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   


20.08 TMFK vann heime mot Fjøra
TMFK vann i dag 5-3 mot Fjøra på Refvika. Øystein Hagen laga tre av måla til TMFK, medan Per Jarle Mathisen (bildet) og Øyvind Vabø laga kvart sitt. Måla til Fjøra vart sett inn av Arild Underdal (2) og Bjarte Vatlestad. 

I den andre kampen som blei spelt i 3. divisjon i dag tapte Skavøypoll 4-0 borte mot Høyang. 

Eid toppar fortsatt 4. divisjon sjølv om det vart tap 1-0 borte mot Loen i dag. Loen er med dette resultatet berre fire poeng bak Eid og tre bak Selje. Loen har også ein kamp mindre spelt enn Eid og Selje. Det ligg litt i korta at kampen Loen-Selje i siste serierunde blir veldig avgjærande om kven som rykkjer opp til tredje divisjon. Underteikna trur at Eid tek den eine plassen medan det laget som vinn kampen Loen-Selje tek den andre plassen. 



19.08 Haugen tapte 3-2 mot Veten/Hardbagg
Haugen tapte 3-2 i den frykta bortekampen mot Veten/Hardbagg på Ålandsleitet. Rune Aaland gav heimelaget leiinga 1-0 etter 18 minutt av kampen. Knappe ti minutt etter utlikna Ove Balsnes til 1-1 på straffespark. Ti minutt før kvilen gav Haugen sin beste spelar i dag, Cato Magne Humborstad, Haugen leiinga 2-1. I andre omgang ville Veten/Hardbagg mest og vann til slutt ein heilt grei siger 3-2. Tommy Lykkebø utlikna til 2-2, medan Kurt Erik Rauset fekk æra av å sette inn vinnarmålet.  

Sjå kampfakta frå kampen.

Ingen tippa rett resultat i denne kampen.

Tysdag spelar Haugen heimekamp mot TMFK III.
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 



16.08 TMFK tapte 0-2 mot Skavøypoll
For andre gong i år vann Skavøypoll seriekampen mot TMFK. Skavøypoll tok leiinga i kampen ti minutt før pause etter at Eirik Holvik heada ballen i eige mål. I andre omgang pressa TMFK hardt på for utlikning men kom ikkje nærmare enn Per Jarle Mathisen si skåring som vart annulert. Dommar Rune Haugland dømde frispark til keeper Jøran Rise etter ein duell mot Ronny Jørgensen. To minutt før slutt dunka Ole Kristoffer Nore ballen i nettet bak ein sjanselaus Per Magne Løken.  Etter dette tok underteikna turen til Måløy Stadion for å få med seg siste ti minutta av storkampen TMFK III-Heia. Men etter å ha køyrt seg vill i byen enda det med at dommaren bles av kampen akkurat i det eg gjekk ut av bilen. Heiaspelarane heva hendene og det var ikkje tvil om kven som hadde vunne kampen. Heiakaptein og fotballnomade Rune Venøy kunne fortelje at Heia vann kampen 2-1. Tom Roger Hjelle hadde sagt at han hadde laga begge måla til Heia, men etter lange samtaler med keeperen til TMFK III og dommar Kai Inge Fløde frå Stadlandet vil det alltid stå i Haugen Fotball sitt arkiv at det eine målet til Heia var sjølvmål.  Målet til TMFK III var laga av tidlegare Flatraketspelar Mads Rasmussen. 

Resultat andre kampar i kveld: 
Stryn-Sandane 9-0
Dale-Høyang 2-3
Florø-Førde 1-0
Fjøra-Kaupanger 2-2
Eid 2-Flatraket 9-2 

Fredag 19. august spelar Haugen bortekamp på Ålandsleitet mot Veten/Hardbagg. 
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   

11.08 Jim Tore toppar måljegeren
Med to skåringar mot Eid II er Jim Tore oppe i ti skåringar på ti kampar til no denne sesongen. Dermed leiar Jim Tore måljegeren føre Steffen Sture Olsen som har ni nettkjenningar for Eid sitt andrelag. Det er til no laga 251 skåring på 42 kampar, noko som gjev eit snitt på 6 skåringar pr. kamp.  

Les heile lista. 

Fredag 19. august spelar Haugen bortekamp på Ålandsleitet mot Veten/Hardbagg. 
Ver med og tipp sluttresultatet i kampen  og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   


10.08 Kjempeskåring av Trond Bjørhovde Rindal
Eid vann i kveld 2-1 i toppkampen mot Selje på kunstgraset i Selje. Eid tok leiinga 1-0 på straffe halvvegs ut i fyrste omgang. Bjørn Totland sette straffa sikkert bak Odd Helge Losnegård i Seljemålet. Selje var i store delar av kampen det førande laget men i dei avgjerande situasjonane framfor mål blei det for puslete. Omlag kvarteret ut i andre omgang kom dagens høgdepunkt. Trond Bjørhovde Rindal som vart speleklar til denne kampen i dag føremiddag, sto for prestasjonen som åleine var verdt heile turen ut mot havet. Rindal sette fart frå midtbana og på veg mot mål dribla han fire-fem mann. Til slutt sette han ballen sikkert i kassa og Eid tok leiinga 2-0. Etter dette pressa Selje på, men Eid var farlege på kontringar. Nærmast skåring var Asle Myrold som åleine mot keeper dunka ballen over kvarteret før slutt. Fem minutt etter reduserte Werner Kupen til 1-2 og det var på ny spenning i kampen. Men Selje makta ikkje å skåre og Eid tok med det over leiinga i 4. divisjon. Laurdag spelar Eid heime mot Askvoll/Holmedal. Då er det berre å møte fram å sjå laget som er eit steg nærmare opprykk til 3. divisjon. 

PS! Selje har fått seg ny fotballsang. Det er fint med egen fotballsang, men det kan bli for mykje å spele den 23 gongar på ein kamp.   



09.08 Haugen vann toppkampen 3-1
Haugen vann toppkampen mot Eid II 3-1 på Klenkarberget i kveld. Dei omlag hundre tilskodarane fekk sjå ein fartsfull fyrte omgang med med mykje dramatikk og ein del godt spel. Haugen tok leiinga etter fire minutt av kampen. Jim Tore Humborstad fekk ein stikkar og åleine mot keeper netta Humborstad sikkert. Kvarteret ut i kampen blei Stig Tore Gilleshammer stygt felt av Arne Morten Nydal innanfor 16-meteren. Haugen fekk straffe og Nydal fekk sjå det raude kortet av dommar Ronny Stian Hopland frå Skavøypoll. Stig Tore vart skada i duellen med Nydal og måtte som Nydal sjå resten av kampen frå sidelinja. Straffa sette banas bestemann Ove Balsnes sikkert i mål og Haugen var i føringa 2-0. Drøye halvtimen av kampen var spelt når publikum fekk sjå kampens flottaste angrep. Håvard Bruvoll spelte glimrande fri Bjørnar Strandos på høgreflanken. Det presise innlegget frå Strandos flikka Steffen Sture Olsen i lengste hjørnet utagbart for Vegard Løken. Dermed var stillinga 2-1 og Eid var på ny med i kampen sjølv om dei spelte med ti spelarar. Berre minuttet etter kom ein kopi av 1-0 målet til Haugen. På ny var det Jim Tore Humborstad som kom åleine mot keeper og som sist banka han ballen i mål bak ein sjanselaus Ole Bjarte Taklo. I pausa vart det markert at Øystein Haugland spelte sin kamp nr. 200. for Haugen. Andre omgang var litt mindre sjåverdig enn fyrste, men omgangen var full av duellar og harde taklingar. Eid prøvde febrilsk å kome inn i kampen igjen men kanskje var Haugen nærmare 4-1 enn Eid var redusering. 

Sjå kampfakta og bilder frå kampen.

Vegard Løken tippa rett resultat i kampen og får eit Haugenkrus ved neste høve.  

 


08.08 Øystein spelar sin kamp nummer 200
I morgon spelar Haugen heimekamp på Klenkarberget mot Eid II kl. 19.00. Øystein Haugland spelar denne kampen sin kamp nummer 200 for Haugen. Dette er noko publikum bør vise å setje pris på og ta turen på Klenkarberget i morgon. Eid II leiar avdelinga tre poeng føre Haugen, men har mykje dårlegare målforskjell enn sebratrøyene. Dermed kan Haugen overta tabelltoppan med siger over Eid II i morgon.  

Ver også med å tipp sluttresultatet i kampen og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 

Onsdag er det duka for toppkamp i 4. divisjon. Selje tek i mot Eid på Selje Stadion kl. 19.00. Denne kampen var i utgangspunktet sett opp seinare i haust, men Selje og Eid vart enige om å spele kampen fyrstkommande onsdag. 
Går alt etter planen kan du sjå bilder og lese om kampen her på Haugen Fotball.  


08.08 Guttelaget med i Sognefjord Lerum Cup
Denne helga var Haugen sitt guttelag med i Sognefjord Lerum Cup. Fredag spelte laget mot Askøy sitt fyrstelag. Haugen holdt godt følgje med laget som spelar i 1. divisjon Hordaland, men kampen enda med tap 2-3. Måla til Haugen vart sett inn av Thomas Starheim og Eivind Daniel Røed. Deretter venta det kampar mot 1. divisjonslaga til Sogndal og Førde. Her viste det seg at det er stor forskjell på 2. divisjon som Haugen spelar i, og 1. divisjon Sogn og Fjordane. Kampen mot Sogndal enda med tap 4-0, medan det mot Førde blei tap 1-7. I kampen mot Førde laga Jonas Rye Tvendeseter Haugen sitt trøstemål. 

Haugen startar haustserien med heimekamp mot Stryn torsdag 18. august.  


02.08 Haugen-Oppstryn II 4-1 (0-1)
Haugen vann 4-1 mot Oppstryn sitt andrelag på Klenkarberget i kveld. Etter ein rufsete og dårleg fyrste omgang leia Oppstryn 1-0 etter skåring av Terje Guddal ti minutt før kvilen. I andre omgang heva Haugen seg og i løpet av fem minutt, omlag kvarteret ut i andre omgang, snudde og avgjorde Haugen kampen. Hans Petter Gilleshammer utlikna til 1-1, medan Stian Aaland auka leiinga til 2-1 og 3-1. På overtid fastsette Jim Tore Humborstad sluttresultatet til 4-1. 

Sjå kampfakta og bilder frå kampen. 

I ein annan kamp i Haugen si avdeling vann Heia 2-1 mot Eid 2. Bjørn Joar Svarstad gav Heia leiinga, men Eid utlikna til 1-1 ved Steffen Sture Olsen rett før pause. Omlag kvarteret før slutt ordna Trond Kroken 2-1 siger til Heia på ei praktfull stupheading. Dermed er det full spenning i toppen i 6. divisjon. Eid leiar med 22 poeng, føre Haugen som har 19 poeng og Heia som har 18 poeng. 

Tysdag 9. august er det duka for toppkamp på Klenkarberget når Haugen tek i mot topplaget Eid 2. 

Ver også med å tipp sluttresultatet i kampen og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 

Hildegunn frå Seljebakken tippa 4-1 og rett resultat i dagens kamp og får eit Haugenkrus i premie.  




29.07 Målfest på Refvika
Stryn vann i kveld 6-4 borte mot TMFK på Refvika. Jon Terje Tjellaug (bildet) laga to mål og vart av Firda kåra til banas beste spelar. Kåre Sigve Balsnes spelte frå start og noterte seg for eit av Stryn sine mål.  

Dei andre resultata i kampane som blei spelt i kveld:
Fjøra-Dale 2-1
Høyang-Sogndal II 0-2
Kaupanger-Florø 2-3

Måndag kl. 19.00: 
Førde-Sandane
Skavøypoll-JÅFK II

Kilde: Firda.no  



28.07 Haugen vann 4-3 mot Eid
Haugen vann i kveld 4-3 mot fyrstelaget til Eid. Haugen var forsterka med Trond Bjørhovde Rindal, Bengt Kongsvoll og skiskyttaren Ronny Hafsås. I tillegg fekk unggutane Thomas Starheim og Jan Martin Smørdal prøve seg for sebratrøyene. Eid som hadde med seg dei fleste spelarane frå fyrstelaget skuffa stort og spesielt i fyrste omgang spelte dei veldig mykje langt uten at dette resulterte i skåringar. Haugen tok leiinga etter 26. minutt av fyrste omgang. Jim Andre Balsnes spelte fint gjennom Ronny Hafsås som åleine mot to forsvarsspelarar dribla seg elegant fri med ein lekker tunnel. Skotet frå kloss hold blei godt redda av Eid sin keeper Ole Bjarte Taklo, men returen sette Bengt Kongsvoll enkelt i mål. Ti minutt etter er Hafsås nok ein gong nest sist på ballen. Gjennomspelet mot lynraske Jim Tore Humborstad bommar Taklo på og Humborstad går ballen i mål til 2-0. I starten av andre omgang såg det ut til at Eid skulle reise kjerringa og sleppe å reise heim med eit flaut tap i bagasjen. Eid var mykje tettare i presset og i staden for alle lange ballane prøvde Eid å spele seg til sjansar gjennom midtbana. Dette fungerte bra og Eid var det klart beste laget fyrste delen av andre omgang. Eit kvarter etter kvilen reduserte Kay Rune Solheim til 1-2 etter eit meir eller mindre planlagt cornertrekk. Kvarteret før slutt utlikna Geir Moldestad etter ein fin prestasjon åleine mot Haugenkeeper Vegard Løken. Då trudde vel dei fleste at Eid skulle køyre over Haugen og vinne lett. Men med kondisjonen til Ronny Hafsås, som ikkje hadde spelt fotball på tre år, hadde det unge Haugenlaget endå mykje meir å by på. 3-2 målet til Haugen kom etter eit glimrande forarbeidd av Thomas Starheim. Det perfekte innlegget kunne Jan Martin Smørdal enkelt breiside inn til stor jubel i Haugenleiren. Fem minutt etter auka Trond Bjørhovde Rindal til 4-2 etter eit gjempelegg av Thomas Dalsbø. Etter dette la Haugen seg litt bakpå og skulle ri på 4-2 leiinga. Berre to minutt etter gjekk dette gale og Vidar Hjelle reduserte enkelt til 4-3. Etter skåringa pressa Eid på for utlikning men Haugen holdt unna og viste at Haugen nok ein gong ein gong er det beste laget i kommuna.

Sjå kampfakta og bilder frå kampen.

Tysdag 2. august kl. 19.00 åpnar Haugen haustesesongen med heimekamp mot Oppstryn II på Klenkarberget. 

Ver også med å tipp sluttresultatet i kampen og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 




27.07 Guttelaget til Haugen vann mot Eid
Stian Aaland har sendt følgjande referat frå treningskampen til guttelaget mot Eid: Guttelaget spelte i dag treningskamp mot Eid. På førehand var det stort sett snakk om å gjere en best mogleg innsats, og få trudde på seier til heimelaget, som mangla både keeper og 3 faste utespelarar. I stadenfor desse stilte dei med tre småguttespelarar, som alle gjorde ein strålande innsats. I tillegg kom ei forsterking i siste liten som markerte seg etter pause. Heile kampen var jamnspelt, med mykje duellar og godt forsvarspel. Etter halvspelt førsteomgang fekk Haugen corner, som gjekk via ein uheldig eidar og i mål. Like etter scorar Kjetil Remme på eit langskot som Eid-keeperen utrulig nok ikkje reddar, og rett før pause reduserer Kristian Holmøy til 2-1. Etter ein fantastisk laginnsats i første omgang, er det store spørsmålet om hauarane held ein omgang til. Det startar lovande. Etter 24 sekund av 2 omgang set innbyttar Jan Martin Smørdal inn 3-1 etter å ha lukeparkert Eid-forsvaret. Litt seinare kjem Holmøy seg igjennom nok ein gong og reduserer igjen for Eid. Haugen går rett i angrep, Kenneth Aaland vender vekk Eid-forsvaret og Haugen er to mål føre igjen. Holmøy scorar sitt tredje, før Jan Martin Smørdal sprang gjennom forsvaret til Eid og lobba iskaldt over keeper til 5-3. Thomas Starheim auka
leiinga til 6-3, før Kristian Holmøy fastsette sluttresultatet til 6-4. Ein
fullt fortent seier til heimelaget, som jobba heroisk over heile bana og
rundspelte til tider eidarane.
på Klenkarberget i morgon. 

27.07 Eid-møter eit ferieforsterka Haugenlag
Torsdag 28. juli kl. 18.00 er det duka for ein liten fotballgodbitt på Klenkarberget. A-laget til Eid skal møte eit litt forsterka Haugenlag, med blant andre Trond Bjørhovde Rindal og Ronny Hafsås. Det går også rykte om at Geir Ove Åsebø skal ha på seg keepervottane igjen og vakte buret til sebratrøyene. Stemmer dette får i alle fall publikum ei triveleg stund på Klenkarberget i morgon kveld. Nokre av dei faste Haugenspelarane er ennå ikkje komt heim frå ferie og blir nok sårt sakna denne kampen. Hans Petter som har runda førti for ei stund sidan har fått ei veke ekstra ferie på grunn av alder, og blir truleg ikkje å sjå på Klenkarberget i morgon. 

Møt fram og sjå kven av dei to laga som har nytta sommarpausen best. 


09.07 Eid vann Honndalscupen
Eid vann i dag den tradisjonelle Honndalscupen på Hornindal Idrettspark. I semifinalen møtte Eid eit forsterka lag frå Veten/Hardbagg. Kampen enda 2-2 etter ordinær tid og Eid vann til slutt 9-8 på straffespark. I den andre semifinalen vann heimelaget 2-1 mot storebror Stryn og Stryn måtte nøye seg med jumbofinale mot Veten/Hardbagg. Her var Stryn ei klasse bedre enn laget frå nordsida og vann 7-1. I finalen mellom Eid og arrangørlaget Hornindal trekte Eid det lengste strået og vann 2-1. Ein jury kåra Hornindal-angripar Erlend Nordnes til turneringas beste spelar. 

Informasjonen er henta frå nettsidene til Hornindal.


04.07 Sterk bortesiger av TMFK 
TMFK vann i kveld 2-1 borte mot Sogndal II. TMFK tok leiinga 1-0 rett etter kampstart, og auka til 2-0 på eit sjølvmål omlag halvveges ut i andre omgang. Rett etter reduserte Frode Svardal til 1-2, men det vart med det eine målet til sogningane. 

I ein kamp i 2. divisjon avdeling 3 vann JÅFK 3-1 mot Brann sine nestbeste. 

01.07 Førde leiar 3. divisjon når laga tek ferie
Dale-Skavøypoll 1-2
Florø-Fjøra 1-1
Stryn-Kaupanger 5-0
JÅFK-Førde 2-4
Sandane-Høyang 4-5

01.07 Rogne, Hjelle og Refsnes leiar måljegeren
Tre spelarar har laga åtte mål i løpet av vårsesongen. Dette er Arne Refsnes frå Stadlandet/Selje 2, Frank Rogne frå TMFK III og Heiaspelar Tom Roger Hjelle. Av Haugen sine spelarar er det Reidar Hellesø og Jim Tore Humborstad som har vore mest målkåte med sju skåringar kvar. Det er laga totalt 227 mål på dei 36 kampane som er spelt denne vårsesongen, noko som gjev eit snitt på 6,3 mål/kamp. Fem av dei 227 måla er sjølvmål, og Torstein Tvinnereim har laga det finaste. 

Les heile lista.


29.06 Magne Elde tilbake i teten
Magne Elde er tilbake på toppen av tabellkonkurransen etter at vårsesongen er over. Med berre ti feilpoeng og med to lag på rett plass ligg Elde godt til for å vinne dei ti flaxlodda. Men mykje kan skje i haustsesongen og tabellen kan forandre seg radikalt.
Navn Poeng Rett plass
Magne Elde 10 2
John Henrik Bjørlo 14 3
Kay Ove Hafsås 14 1
Kay Rune Solheim 14 1
Jan Fuglesteg 14 0
Jim T. Humborstad 16 2
Runar Aa. Olsen 16 1
Sujeevan Mohanarajah 18 3
Bjørn E. Moldestad 18 2
Hildegunn Balsnes 18 1
Vebjørn Skrede 18 1
Bjørn Erik Bruvoll 18 0
Rune Aabrekk 20 1
Stian Aaland 20 1
Rune Venøy 20 1
Stein Inge Strøm 22 2
Øyvind Haraldsen 22 0
Sindre Kvalheim 22 0
Øyvind Løkling 24 0
Hans O. Humborstad 26 0






29.06 Eid har med tre lag i Norway Cup
Eid stiller med tre lag i årets Norway Cup som går av stabelen 31. juli - 6. august.

Eid sitt guttelag (G16) er komt i pulje med: KIL/Hemne 2, Grue 2 og Øygard.

Småguttelag (G14) skal spele mot: Torp, Lamberseter og Skarphedin.

Jentelaget (J16) er sett opp i pulje med: Ny-Krohnborg, Spa/Bra og Frogner. 

Laga frå Sogn og Fjordane stiller totalt 40 lag. Desse er fordelt på følgjande klasser. 

G19:
Førde
G16: Årdalstangen, Sandane, Høyang, Førde, Florø 1, Florø 2, Eid og Askvoll/Holmedal.
G16 7'ar: Bremanger, Høyang og Jotun.
G14: Eid, Eikefjord, Florø 1, Florø 2, Sandane, Sogndal, Svelgen og Årdalstangen. 
G14 7'ar: Selje, Skavøypoll, Sogndal, Syril og Veten.  
J16: Balestrand, Bremanger, Eid og Kaupanger.
J16 7'ar: Sandane, Svelgen, Tambarskjelvar og Årdalstangen.
J14 7'ar: Bremanger, Florø 1, Florø 2, Sandane, Sogndal 1, Sogndal 2 og Syril.   





29.06 Eid ute av cupen
Eid sitt damelag tapte i går 5-1 mot Kaupanger i cupkampen på Eid Stadion. Eid vann fyrste runde 3-0 mot Brattvåg, men i går blei Kaupanger for sterke. Målet til Eid vart sett inn av Tonje Tangerud Norheim rett før pause. 

28.06 Flatraket-Haugen 1-5 (1-3)
Haugen vann i kveld 5-1 borte mot Flatraket på Naustteigen Stadion. Flatraket opna kampen best og tok føringa 1-0 etter ei skåring av Marius Svoren etter 8. minutt. Etter dette hadde Flatraket det meste av spelet men kom ikkje nærmare fleire skåringar enn eit skot i tverrliggaren. Etter omlag halvtimen utlikna Haugen til 1-1. Ove Balsnes sette inn straffa etter at Stig Tore Gilleshammer hadde blitt felt av Flatraketkeeper Jan Ove Håvik. Knappe fem minutt etter fekk vi sjå dagens raid av banas beste, Øystein Haugland. Etter å ha dribla av tre-fire mann sette Øystein inn ballen heilt ute ved stolperota og Haugen tok leiinga 2-1. Men Øystein gav seg ikkje og på overtid i fyrste omgang knalla han til frå omlag 25 meter. Ballen fekk ein merkeleg dupp og Jan Ove Håvik fomla ballen i mål til 3-1 leiing til pause. I andre omgang auka Reidar Hellesø og Jim Tore Humborstad leiinga til 5-1 før kvarteret var spelt og kampen var i realiteten over. Etter dette hadde Haugen fleire store sjansar til å lage mål nummer 50 for sesongen men ballen ville ikkje i mål og kampen ebba ut med 5-1 til Haugen. Haugen tek dermed sommarferie på andreplass på tabellen med seks poeng mindre enn Eid.  

Sjå kampfakta og bilder frå kampen.
 
Resultat i kveld:
Oppstryn II-Heia 0-4
Eid II-Skavøypoll II 6-3
Veten/Hardbagg-Stadlandet/Selje II 4-3
JÅFK II-Dale 4-3



26.06 Måljegeren
Måljegeren er oppdatert etter 8. serierunde.  

Les heile lista.

25.06 Eid vann 3-1 mot Syril
Resultat 4. divisjon:
Eid-Syril 3-1
Selje-Førde II
Eikefjord-Loen 3-0
Stryn II-Askvoll/Holmedal 5-7
TMFK II-Bremanger 5-1

Resultat 5. divisjon:
Oppstryn-Vik 5-3


Ver med og tipp sluttresultatet i kampen Flatraket-Haugen tysdag 28. juni og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   

24.06 Sikker 5-1 siger til Heia
Heia vann i kveld enkelt 5-1 mot Flatraket på Eid Idrettspark. Eit tiltider fintspelande Heialag var i denne kampen eit par hakk kvassare enn Flatraket, men i periodar dabbar intensiteten og Flatraket var i desse periodane heilt på høgde med Heia. Trond Kroken og Tom Roger Hjelle gav Heia 1-0 og 2-0 allereie før ti minutt av kampen var spelt, og rett før pause fastsette Stein Inge Strøm pauseresultatet til 3-0. I andre omgang kom dagens finaste mål. Omlag fem minutt ut i omgangen avanserar Ole Kristian Os heilt frå midtbana. Frå omlag 25 meter skyt han ballen heilt oppe i krysset og Jan Ove Håvik i Flatraketmålet kan konstatere at Heia har tatt leiinga 4-0. Etter dette slapp Heia seg nedpå litt og Flatraket kom bedre med i kampen. I denne perioden laga Kjell Inge Rundereim Flatraket sitt trøystemål. Omlag halvtimen før slutt fastsette banas beste spelar, Bjørn Joar Svarstad, sluttresultatet til 5-1. Ein lekker chip frå Trond Kroken gjer at Bjørn Joar Svarstad kjem åleine mot keeper og "BJ" har ingen problem med å skåre. 
Sjå kampfakta og bilder frå kampen.

Resultat i 3 divisjon i kveld:

Stryn-Fjøra 0-2
Florø-Skavøypoll 0-2
Førde-Høyang 5-1
Sandane-TMFK 1-1



21.06 Eid II gjekk på sitt fyrste poengtap
Botnlaget Stadlandet/Selje II greidde det ingen har klart før denne sesongen. Med resultatet 4-4 borte mot Stadlandet/Selje II avga Eid II  poeng for fyrste gong denne sesongen. Eid II leiar framleis 6. divisjon tre poeng føre TMFK III som også har ein kamp meir spelt enn Eid II. 

TMFK III vann sin kamp i kveld 5-0 mot Veten/Hardbagg. Måla til TMFK III vart sett inn av: Geir Ove Refvik (2), Sujeevan, Trond Refvik og Alf Henning Kongshaug. 

Også Skavøypoll II vann sin heimekamp i kveld 5-0. Her var Oppstryn II motstandar.


Den siste kampen i denne runden er kampen Heia-Flatraket. Denne kampen blir spelt på Eid Idrettspark fredag 24. juni kl. 19.00. Bilder og fakta frå kampen kan du sjå her på Haugen Fotball rett etter kampslutt.

20.06 Jens Cilleborg Jensen trekte seg som trenar
Jens Cilleborg Jensen trekte seg som trenar for Bremanger etter 2-0 tapet mot Eid laurdag. Bremanger ligg sist i fjerde divisjon med berre fire poeng på ni kampar. Kven som tek over trenaransvaret i Bremanger er enno ikkje avklara. Laurdag er det duka for botnkamp borte mot TMFK II. Dette er ein kamp Bremanger bør vinne for å få heng på laga som ligg føre dei på tabellen. 

Resultat i 3 divisjon i kveld:
Fjøra-Sogndal II 3-0 (1-0)
Dale-Florø 2-1
Høyang-JÅFK II 2-1



18.06 Bjørn Berdal fiksa tre poeng til Eid
Eid vann i dag 2-0 borte mot Bremanger og er med det på andreplass i 4. divisjon. Bjørn Berdal vart med ei målgivande og eit mål dagens mann på Bremanger Stadion. Fyrste målet kom etter 23 minutt . Bjørn Berdal la eit knallhardt frispark frå hjørnet av 16-meteren inn i feltet. Det harde frisparket vart sett rett i eget mål av ein uheldig bremangerspelar og Eid gjekk velfortent opp i 1-0 leiing. Etter 39. minutt var den same Bjørn Berdal på farten igjen og auka leiinga til 2-0. Denne gongen skaut han med venstrefoten frå 25-30 meter, og ballen gjekk heilt ut i venstre hjørnet utagbart for keeper. På slutten av kampen surra Eid så mykje i forsvar at Bremanger fekk sjansen til å kome inn i kampen igjen, men det blei med sjansen. Arne Morten Nydal var best nøgd med Bjørn Berdal og Henning Haugen i dag. 


Andre resultat:
Selje-Loen 2-2
Førde II-Syril 0-1
Eikefjord-Askv/Holmedal 3-2
Stryn II-TMFK II 3-0


17.06 Endringar i teten i tabellkonkurransen
Jan Fuglesteg har tatt over leiinga i tabellkonkurransen etter at sju serierundar er spelt. På andre plass ligg John Henrik Bjørlo, tett fulgt av Kay Ove Hafsås og Magne Elde. I den andre enden ligg som vanleg Hans Ottar Humborstad med 28 feilpoeng. 
Navn Poeng Rett plass
Jan Fuglesteg 12 2
John Henrik Bjørlo 14 3
Kay Ove Hafsås 14 1
Magne Elde 14 0
Bjørn Erik Bruvoll 16 1
Hildegunn Balsnes 16 1
Kay Rune Solheim 16 0
Sujeevan Mohanarajah 18 2
Bjørn E. Moldestad 18 1
Runar Aa. Olsen 18 1
Jim T. Humborstad 20 0
Vebjørn Skrede 20 0
Rune Aabrekk 20 0
Stian Aaland 22 1
Øyvind Haraldsen 22 1
Rune Venøy 22 0
Sindre Kvalheim 22 0
Øyvind Løkling 22 0
Stein Inge Strøm 24 1
Hans O. Humborstad 28 0






17.06 Det tettar seg til i toppen
Frank Rogne putta også denne serierunden og leiar med det måljegeren med totalt åtte skåringar. Jim Tore Humborstad, Hans Ottar Humborstad og Reidar Hellesø har i lag med fem andre spelarar laga seks mål til no denne sesongen. Det er laga totalt 177 mål på 28 kampar, noko som gjev eit snitt på 6,3 mål pr. kamp. Fem sjølvmål er registrert og TMFK III har vore heldige å få tre enkle mål på at motstandaren har laga sjølvmål. 

Les heile lista.


17.06 Kampfakta 3. divisjon fredag

Tornado Måløy-Førde 1-3 (0-3)

0-1 Benny Rivedal (22. min)
0-2 Sjølvmål, Birger Silden (29. min)
0-3 Tore Evensen (34. min)
1-3 Birger Silden (59. min)


Kaupanger-Sandane 5-0 (1-0)
1-0 Frode Kvam (15. min)
2-0 Jon Arve Hatlevoll (47. min)
3-0 Preben Strypet (52. min)
4-0 Frode Kvam (65. min)
5-0 Preben Strypet (80. min)

Skavøypoll-Stryn 1-4 (0-2)
0-1 Mats Solheim (15. min)
0-2 Pål Holko (41. min)
0-3 Per Egil Flo (46. min)
0-4 Mats Solheim (57. min)
1-4 John Martin Gil (64. min)
 
Kilde: Firda.no


17.06 Kampfakta serierunde 7
Eid II-Tornado Måløy III 4-1 (3-1)
Mål Eid II: Anders Midthjell 2, Steffen Sture Olsen og Edgar Flo
Mål TMFK III:Frank Rogne

Flatraket-Skavøypoll II 1-3 (0-1)
Mål Flatraket:Marius Svoren
Mål Skavøypoll II: Charles Domben, Roy Gustav Hunskår og Tore Holvik

Haugen-Heia 5-2 (2-0)
Mål Haugen:Reidar Hellesø 3, Jim Tore Humborstad og Ove Balsnes 
Mål Heia: Bjørn Joar Svarstad og Tom Roger Hjelle

Oppstryn II-Stadl/Selje II 3-2 (2-1)
Mål Oppstryn
Alexander Gjørven, Thomas Walston og Asgeir Tonning
Mål Stadl/Selje II: Arne Refsnes 2


16.06 Heia sine nye heimedrakter
I dag er endeleg dei nye kvite draktene til Heia komt og underteikna kan slutte med å titulere Heia som grøntrøene frå Moskva. Fyrste sjanse til å sjå Heia i dei nye draktene er i heimekampen mot Flatraket fredag 24. juni. Etter det underteikna skal ha høyrt er dei nye draktene kjempegode å spele i og lette å ta av seg etter kampen. 


14.06 Haugen-Heia 5-2 (2-0)
Haugen vann i kveld 5-2 mot grøntrøyene frå Moskva i hatkampen på Klenkarberget. Heia var det beste laget i fyrste del av fyrste omgang omgang men virka tannlause framover. Kampens fyrste sjanse hadde Hans Thomas Solheim som frå ti meters hald fekk skyte heilt uhindra. Men Heiakeeper Finn Haugland svarte med ei fin beinparade. Halvveis ut i omgangen kom Heia åleine mot keeper Vegard Løken. Løken gjorde ei fantomredning og holdt ballen i fast grep. Det raske utspelet gjekk rett til Jim Tore Humborstad på vingen og det presise innlegget heada Reidar Hellesø i mål. Reidar Hellesø var verkeleg i storform i dag og auka Haugen si leiing til både 2-0 og 3-0. Jim Tore Humborstad var i dag tre hakk raskare enn forsvaret til Heia og  fem minutt ut i andre omgang auka han leiinga til 4-0. Same mann vart felt omlag halvveis ut i andre omgang og straffa sette Ove Balsnes sikkert i mål. Etter dette la Haugen seg bakpå og Heia fekk ganske fritt spelerom. Dette resulterte i to reduseringsmål men sigeren var aldri direkte truga. Måla til Heia vart sett inn av Tom Roger Hjelle på langskot og Bjørn Joar Svarstad på straffe. 

Sjå kampfakta og bilder frå kampen.


14.06 Serierunde nr. 7 
Eid II-TMFK III 4-1 (3-1)
1-0 Anders Midthjell (1. min)
2-0 Steffen Sture Olsen (5. min)
3-0 Anders Midthjell (7. min)
3-1 Frank Rogne (28. min)
4-1 Edgar Flo (55. min)

Flatraket-Skavøypoll II 1-3
Oppstryn II-Stadlandet/Selje II 3-2

Eid II toppar med det 6. divisjon avdeling 4 etter at sju serierundar er avvikla. Eid har 18 poeng medan Haugen og TMFK III har 13 poeng.  

13.06 To kampar på Eid Idrettspark i morgon
Tysdag er det duka for fotballfest på Eid Idrettspark. Klokka 18.00 er det duka for toppkamp mellom Eid II og TMFK III. Klokka 20.00 er det hatkampen Haugen-Heia som står på timeplanen. 
Her er det mogleg å få med seg mange skåringar og mykje dramatikk. 

12.06 Den store dagen nærmar seg
Tysdag er det duka for hatkampen mot Heia. Kampen blir spelt på krøllgraset på Eid Idrettspark kl. 20.00. Dette er ein kamp som ingen vil tape og innsatsen kjem nok til å bliformidabel.  
Ellers går det rykter om at Torleiv Orheim er tilbake i trening igjen. Torleiv skal etter eit år i kongens klær vere i bedre form enn nokon gong før. 


Ver med og tipp sluttresultatet i kampen Haugen-Heia 14. juni og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   


11.06 Resultat laurdag
3. divisjon:
Høyang-TMFK 3-2

4. divisjon:
Eid-Stryn II 8-3
Loen-Førde II 4-3
Syril-Bremanger 4-1

5. divisjon:
Bjørn-Hyen 3-2
Kaupanger II-Hornindal 0-4
Svelgen-Vik 1-5


10.06 Mats Solheim dagens mann i Stryn
Mats Solheim vart dagens mann i Stryn med seks skåringar då Stryn banka Dale 13-1. Jon Terje Tjellaug var også sentral med to skåringar og fem målgivande.  

Stryn-Dale 13-1 (7-1)
1-0 Geir Hool Egge (2. min)
2-0 Thomas Vik (16. min)
3-0 Per Ole Tenden (18. min)
4-0 Jon Terje Tjellaug 19. min)
4-1 Richard Skår (23. min)
5-1 Mats Solheim (24. min)
6-1 Mats Solheim (29. min)
7-1 Per Egil Flo (43. min)
8-1 Jon Terje Tjellaug (49. min)
9-1 Mats Solheim (53. min)
10-1 Mats Solheim (56. min)
11-1 Mats Solheim (77. min)
12-1 Mats Solheim (86. min)
13-1 Frank Hool (88. min)

Førde-Kaupanger 2-1 (1-0)
1-0 Kai Kilnes (15. min)
1-1 Jørn Skjeldestad, straffe (60. min)
2-1 Kai Kilnes (81. min)


Sandane-Fjøra 2-0 (1-0)
1-0 Espen Denk (31. min)
2-0 Ole Andre Aa (70. min)

Kilde: Firda.no


10.06 Resultat 4. divisjon
Askvoll/Holmedal-Selje 2-2 
TMFK II-Eikefjord 2-5 (0-2)

10.06 Magne Elde leiar framleis
Magne Elde er framleis i leiinga i tabellkonkurransen. Med berre ti feilpoeng ligg Elde fire poeng føre Kay Ove Hafsås. I den andre enden ligg Hans Ottar Humborstad med 28 feilpoeng. 

Magne Elde 10 3
Kay Ove Hafsås 14 2
Jim Tore Humborstad 16 3
Bjørn Egil Moldestad 16 2
Kay Rune Solheim 16 1
John Henrik Bjørlo 16 1
Jan Fuglesteg 16 0
Sujeevan Mohanarajah 18 4
Runar Aaning Olsen 18 1
Bjørn Erik Bruvoll 18 1
Hildegunn Balsnes 18 0
Rune Venøy 20 2
Sindre Kvalheim 20 1
Vebjørn Skrede 20 1
Stian Aaland 22 1
Rune Aabrekk 22 1
Stein Inge Strøm 24 1
Øyvind Haraldsen 24 0
Øyvind Løkling 26 0
Hans O. Humborstad 28 0


10.06 Frank Rogne toppar måljegeren åleine
Med sitt eine mål mot Oppstryn II er Frank Rogne oppe i sju mål og toppar måljegeren åleine. Hans Ottar Humborstad og Tommy Lykkebø signerte også kvar si skåring denne serierunden og har med det sett inn seks skåringar kvar. Denne plasseringa delar dei med Muhamet Barlla som på grunn av sitt raude kort blir ståande med seks skåringar ei stund til. Det er til no laga 156 skåring på 24 kampar, noko som gjev eit snitt på 6,5 skåringar pr. kamp.  

Les heile lista.


10.06 Kampfakta 6. serierunde
Skavøypoll II-Haugen 3-3 (0-0)
Mål Haugen: Stian Aaland, Hans Ottar Humborstad og Hans Petter Gilleshammer
Mål Skavøypoll II: Arve Silden, Charles Domben og Ole Gunnar Midtbø

TMFK III-Oppstryn II 6-1 (4-0)

Mål TMFK III: Mads Rasmussen, Einar Lillestøl, Geir Ove Refvik, Trond Refvik, Frank Rogne og Alf Henning Kongshaug
Mål Oppstryn II:Johan Andersson

Veten/Hardbagg-Eid II 1-2 (1-1)
Mål Veten/Hardbagg: Tommy Lykkebø
Mål Eid II: Anders Midthjell 2

Stadlandet/Selje II-Flatraket 2-1 (0-0)
Mål Stadlandet/Selje II: Håvard Nyheim og Arne Refsnes
Mål Flatraket: Stephan Lexau

09.06 Haugen slo Eid!!
Stian Aaland har sendt følgjande referat: Lilleguttane til Haugen spelte ein kjempekamp på Plassen og slo favorittane frå Eid 4-2 etter ein svært spennande og sjanserik kamp. Hauarane leda 2-0 til pause etter ein veldig god førsteomgang, der Vebjørn Nord Haugland og Jon Simen Myrstad scora kvart sitt mål. I andre omgang tok Eid meir over i kampen og reduserte til 2-1 midtvegs i
omgangen. Jon Simen scora igjen like etter reduseringa, før Eid igjen
reduserte, til 3-2. Jon Simen sette inn sitt tredje for dagen 3 minutt før
slutt. Svært godt spel både i angrep og forsvar sikra ein etterlengta seier
for lilleguttane, og det mot "overmakta" frå Eid!

Laget: Joakim Hauge, Bjørn Are Leivdal, Kenneth Remme, Kennet Fagerstrand,
Peter Smørdal, Jan Albert Solheim, Tore Haraldsen, Vebjørn Nord Haugland,
Jon Simen Myrstad og Isak Flo Bødal. Ein fantastisk innsats av alle!



09.06 Kven er dette?
Det var Roald Remme som skjulte seg bak Sunnmørsposten. Underteikna har fått inn 31 svar på konkurransen og 21 av dei har svart Roald Remme. Blant dei som har svart feil har dei fleste tippa Arvid Remme. Men som dei fleste veit var Arvid spiss og ikkje back slik som Roald. 

Blant dei som hadde sendt inn rett svar vart Vegard Løken trekt ut og får dermed eit Haugenkrus. 


Tysdag er det duka for storkampen Haugen-Heia. Mykje prestisje står på spel og det blir heilt sikkert ein sjåverdig kamp på Klenkarberget. 

Ver med og tipp sluttresultatet i kampen Haugen-Heia 14. juni og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
   


09.06 Trening på kunstgraset
NB! Haugen si trening i morgon er flytta til kunstgraset på Eid. 

08.06 Guttelaget tapte mot Skavøypoll
Stian Aaland har sendt følgjande referat frå kveldens kamp:
Guttelaget tapte 5-2 mot Skavøypoll i kveld. Det var ein jamnspelt og god førsteomgang, der Haugen spelte seg til fleire sjansar dei burde scora på. Blant anna missa Haugen eit straffespark midtvegs i omgangen. Litt seinare etter gjekk Skavøypoll i leiinga. Haugen pressa på for utlikning og fekk uttelling like før pause når Jonas Tvendeseter vart spelt fint igjennom og dunka ballen forbi keeper. 1-1 sto seg ut omgangen, ein omgang der Haugen vann sjansestatistikken klart og viste periodar med svært godt defensivt spel.
Litt ut i andre omgang fekk Skavøypoll straffe og sette den i mål. Første ti minutta av andre omgang var bra av hauarane, men så vart det ein periode med mykje rot over heile bana. Dette utnytta heimelaget og auka leiinga til 5-1 før Haugen klarte å få ballen i mål igjen, denne gongen ved Thomas Starheim på eit vakkert langskot. Det var nok fortent at Skavøypoll vann til slutt, dei hadde marginane på si side og scora på fleire sjansar enn Haugen, blant anna på to straffer, medan Haugen missa si eine. Kampen var endå jamnare enn resultatet tilseier!

07.06 God kamp av Haugen
Haugen spelte i dag uavgjort 3-3 mot Skavøypoll II på Skavøypoll Stadion. Etter ein mållaus fyrste omgang tok det heilt av i andre omgang og publikum fekk virkeleg valuta for pengane. Haugen tok leiinga sju minutt ut i omgangen etter at Stian Aaland styrte eit skot frå Hans Ottar Humborstad i mål. Ti minutt etter får Arve Silden stå umarkert på ti meter og Vegard Løken er sjanselaus på det harde skotet. Etter det bølger kampen fram og tilbake og Stian Aaland er nær ved å gje Haugen leiinga på nytt. Frå skrå vinkel tek han ballen på halvspretten og dunkar ballen i stolpen i lengste hjørnet. Sju minutt før slutt kjem Hans Ottar åleine mot keeper og set enkelt inn 2-1 til Haugen. Dette tenner Skavøypoll og spesielt Ole Gunnar Midtbø. Midtbø fører mykje ball og dette skaper litt panikk i forsvaret til Haugen. Fem minutt før slutt utliknar Charles Domben til 2-2. Men Haugen kom tilbake og då Hans Petter Gilleshammer gav  Haugen leiinga 3-2 trudde dei flest at tre poeng var sikra. På overtid tok Ole Gunnar Midtbø saken i egne hender. Etter å ha dribla seg forbi tre-fire Haugenspelarar avslutta han elegant via stolpen heilt oppe i krysset. Dermed enda kampen mot Skavøypoll 3-3 og Haugen bør seie seg nøgde med eit poeng sjølv om tre poeng var ganske nære.  

Sjå kampfakta og bilder frå kampen. 

Veten/Hardbagg-Eid II 1-2
TMFK III-Oppstryn II 6-1

I ein kamp rett før A-laget sin kamp på Skavøypoll Stadion spelte småjentelaget til Haugen mot Skavøypoll. Haugen tapte til slutt 12-3, etter at stillinga til pause var 7-2.



06.06 Eid møter Kaupanger heime i cupen
NFF har sett opp 2. runde NM for kvinner. Eid får heimekamp mot botnlaget i 1. divisjon og bør ha ein sjanse til å gå vidare til 3. runde. Kampen er terminfesta til 28. juni. Dei andre kampane i 2. runde er:

Manglerud/Star - Røa
Vålerenga - Team Strømmen

Skjetten - Kolbotn

Asker - Fart

Fossum - Larvik

Bamble - Liungen

Donn - Amazon Grimstad

Klepp - Haugar

Sandviken - Nymark

Follese - Arna-Bjørnar

Kattem - Orkla

Os/Nansen - Trondheims-Ørn

Byåsen - Fortuna

Medkila - Grand Bodø

Tromsdalen - Fløya

Kilde www.fotball.no


05.06 Magne Elde tilbake i leiinga
Magne Elde er tilbake i leiinga i tabellkonkurransen. I den andre enden ligg Hans Ottar Humborstad, Stein Inge Strøm og Øyvind Løkling. 

Magne Elde 12 3
Kay Ove Hafsås 14 2
Jan Fuglesteg 16 2
Jim Tore Humborstad 16 2
Kay Rune Solheim 16 1
Sindre Kvalheim 18 3
Rune Venøy 18 3
John Henrik Bjørlo 18 2
Bjørn Egil Moldestad 18 0
Sujeevan Mohanarajah 20 3
Vebjørn Skrede 20 2
Runar Aaning Olsen 20 1
Bjørn Erik Bruvoll 20 1
Hildegunn Balsnes 20 0
Øyvind Haraldsen 22 2
Stian Aaland 22 0
Rune Aabrekk 26 0
Hans O. Humborstad 28 1
Stein Inge Strøm 28 0
Øyvind Løkling 28 0




05.06 Tettar seg til i toppen i måljegeren
Med Haugen sine nitten mål i sist seriekamp var det mange som klatra på lista over måljegeren. Bak Frank Rogne og Muhamet Barlla med seks skåringar, er det no heile seks spelarar med fem mål.  Jim Tore Humborstad og Hans Ottar Humborstad har begge fem mål, og er dei frå Haugen som ligg høgast oppe på lista. 

Les heile lista.


05.06 Kald dag på Klenkarberget
Det vart ein kald dag for dei mange som som hadde tatt turen til miniputturneringa på Klenkarberget i dag. Men dette la ikkje noko dempar for dei unge håpefulle som verkeleg såg ut til å storkose seg på den grøne grasmatta. Søndag 12. juni er det Eid sin tur til å arrangere miniputturnering. La oss håpa at han "der oppe" skruar opp tempen med omlag ti grader slik at også dei som ser på har ei triveleg stund på Eid.

Damelaget til Eid vann laurdag 3-1 i toppkampen mot Sandane på Eid Stadion. Måla til Eid vart sett inn av Mariann Sigdestad, Tonje Norheim Tangerud og Lisa Skarstein.   


04.06 Kven er dette???
Siste frist for å sende inn svar på konkurransen er sett til søndag kl. 21.00. Vi skal fram til ein markant spelar på Stårheim sitt A-lag. Spelaren spelte back for klubben og var trofast mot laget i heile si karriere. Han hadde si storhetstid på slutten av åttitalet, og høgdepunktet var då han vart kåra til banas beste i ein bortekampen mot Askvoll/Holmedal. Svaret kan du sende på e-post. (s.hoynes@frisurf.no)

Vinnaren får eit eksklusivt Haugen-krus. Er det fleire som sender inn rett svar blir vinnaren trekt ut.  

Ver også med å tipp sluttresultatet i kampen Skavøypoll II-Haugen 7. juni og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 


04.06 Resultat 3. divisjon laurdag
Stryn-Florø 4-1 (2-0)
Skavøypoll-Sandane 8-2 (4-0)
TMFK-JÅFK II 6-0 (5-0)
Kaupanger-Høyang 1-4 (0-2)
Fjøra-Førde 0-4 (0-2)

Magnus Sævik laga to av måla til Skavøypoll i kampen mot Sandane. 

03.06 Resultat 4. og 5. divisjon fredag
Eid spelte i kveld uavgjort 1-1 borte mot Eikefjord. Eikefjord tok leiinga på straffe rett før slutt, men Eid kom tilbake og utlikna tre minutt på overtid. Etter rapportane frå kampen var Eid det beste laget men slik situasjonen var med å ligge under til langt på overtid bør Eid vere glad dei fekk med seg eit poeng.   

Andre resultat 4. divisjon:
Loen-Syril 3-3
Selje-TMFK II 4-0

5. divisjon: 
Hyen-Hornindal 2-2
Jølster-Bjørn 4-3

03.06 Uavgjort for guttelaget mot TMFK II
Tomålsskårar frå i går Stian Aaland har sendt følgjande referat:
Haugen sitt guttelag spelte torsdag 6-6 mot TMFK 2, et resultat dei langt frå var fornøgde med. Det var ein jamn og spennande 7ar-kamp på Klenkarberget. Haugen styrte størstedelen av kampen, men sleit med å treffe mål. Tornado opna forrykande og leda 2-0 før det var spelt 5 minutt. Haugen henta inn att den leiinga, men det sto 3-2 til TMFK til pause. Andre omgang styrte Haugen nesten frå start til mål, gjekk opp i 6-4 leiing 10 minutt før slutt, og trudde dei hadde full kontroll. Der tok dei dessverre feil, og ei passiv innstilling dei siste minutta førte til at TMFK putta to gonger, og utlikna til 6-6 i kampens siste minutt. Måla til Haugen vart scora av Jonas Rye Tvendeseter (2) , Kenneth Aaland og Thomas Starheim (3)
.

03.06 Lillejentene til Stårheim
Stårheim stiller i år for fyrste gong jentelag i serien. Laget har spelarar frå Stårheim og Haugen og har hatt ein kjempestart på sesongen. I går var veninnegjengen samla til kamp mot Selje på Stårheimsgrusen. Jentene tok føringa i kampen allereie frå start og Selje hadde i realiteten ingen sjanse mot det gode laget frå Stårheim. Då dommar Alf Kåre Dalsbø bles av kampen hadde jentene laga ti mål uten at Selje hadde laga nokon. Stårheim har med dette resultatet vunne alle dei seks kampane dei har spelt til no denne sesongen. 

Magne Kjøsnes hadde full kontroll frå sidelinja, og dei som hadde møtt fram for å sjå kampen fekk ein triveleg time på Stårheim Stadion.    

Sjå bilder frå kampen.  




02.06 Klubbrekord for Haugen
Haugen vann i dag den største sigeren i klubben si historie. Heile 19-2 vann Haugen mot Stadlandet/Selje II på Eid Idrettspark. Det går rykte om at den gamle rekorden var 17-0 mot Breim for veldig lenge sidan. Kampen i dag starta med at Haugen rundspelte Stadlandet/Selje II og kom seg rundt på kantane gang på gang. Dette resulterte i mange fine angrep og flotte skåringar. 
I fyrste omgang storspelte Jim Tore Humborstad, Hans Ottar Humborstad og Stig Tore Gilleshammer i angrepet og Haugen gjekk til pause på stillinga 10-1. I andre omgang blei Jim Tore, Hans Ottar og Stig Tore bytta ut og inn kom Bjørn Erik "Goalgettaren" Bruvoll, Stian Aaland og Hans Thomas Solheim. Desse tre takka for tilliten og banka inn til sammen åtte mål. Bjørnar Øien debuterte som kaptein og det skal mykje til om tomålskåraren frå i dag ikkje er kaptein på tysdag i kampen mot Skavøypoll II.   

Sjå kampfakta og bilder frå kampen.  



31.05 Historisk tap for Heia
Heia fekk den store æra av å vere det fyrste laget som tapte ein kamp på Eid Idrettspark. Grøntrøyene frå Moskva var store favorittar før kampen men sjølv ikkje i 6. divisjon er det berre å spasere seg til siger. Skavøypoll II tok leiinga etter 17 minutt ved Stian Åmelfot. På overtid av fyrste omgang auka Eivind Lillebø til 2-0 på straffe.  Andre omgang starta på verst tenkeleg måte for Heia. Muhamet Barlla hevna seg på ein motstandar med eit knytteneveslag og fekk derfor sjå det raude kortet. Det blir nok ei stund til vi får sjå Barlla på bana igjen. Etter dette pressa Heia kraftig på og omlag kvartert før slutt fekk dei lønn for strevet. Tom Roger Hjelle skapte ny spenning i kampen då han reduserte til 1-2 åleine mot keeper. Då trudde dei fleste at Heia skulle klare å kare til seg poeng sjølv om dei spelte nesten heile andre omgang med ti mann. Men berre fire minutt etter reduseringa punkterer Eirik Elnes kampen. Eit fint innlegg frå sida dunkar Elnes bak ein sjanselaus Finn Haugland i Heia sitt mål. Rett etter får Skavøypoll straffe og Roy Gustav Hundskår er sikker frå straffemerket og fastset sluttresultatet til 4-1. 

Sjå kampfakta og bilder frå kampen.

I den andre kampen i dag spelte Oppstryn II uavgjort 3-3 på heimebane mot Veten/Hardbagg.  



31.05 Småjentelaget spelte mot TMFK II
Småjentelaget til Haugen spelte i dag kamp mot TMFK II på Klenkarberget. TMFK II var eit hakk bedre enn Haugen i dag og tok fortent med seg tre poeng ut igjen til havet. Haugen viste ved fleire høve mykje godt spel og det virka som trenar Ståle Sandal var godt nøgd med det jentene presterte i dag. 

Tysdag 7. juni spelar jentene bortekamp mot Skavøypoll. 

Sjå bilder frå kampen. 


30.05 Kampen mot Stadlandet/Selje II  torsdag kl. 20.00
Kampen mot Stadlandet/Selje II er flytta til torsdag 2. juni. Kampen blir spelt på krøllgraset på Eid Idrettspark kl. 20.00. 

Ver også med å tipp sluttresultatet i kampen Haugen.Stadlandet/Selje II 2. juni og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 

I ein kamp i Haugen si avdeling vart det uavgjort 2-2 mellom Flatraket og TMFK III. 


29.05 Eid Idrettspark klar til bruk



Så er endeleg ventetida over. Krøllgrasbana ved Eid Idrettshus er no klar til bruk og det gjekk ikkje lang tid før desse to karane på bildet dukka opp. Sjølv om han eine var frå Skavøypolljen måtte han innrømme at bana blei bra. Den andre guten var frå Eid og var godt nøgd med den fine bana. Allereie i dag er dei fyrste laga klar til å trene på Eid Idrettspark. 

Haugen Fotball takkar alle som har vore involvert for å få til den flotte  krøllgrasbana. Underteikna håpar at dette kan gjere sitt til at lokalfotballen i Eid kommune kan få eit oppsving.    

29.05 Eid-Stryn/Oppstryn 1-1 (0-0)
Eid greidde berre 1-1 heime mot Stryn/Oppstryn på Eid Stadion i dag. Eid førte store delar av kampen men eit spelemessig overtak gav ikkje full uttelling i dag. Eid tok leiinga 1-0 etter 68 minutt av kampen. Siri Nordnes gjorde eit glimrande raid på venstrekanten og høgrebacken til Stryn/Oppstryn måtte ty til ulovlegheter for å stoppe Nordnes. Dermed måtte Jim Steenslid frå Skavøypoll peike på straffemerket. Mariann Sigdestad sette straffa i tverrliggaren men var påpasseleg frampå på returen og gav Eid 1-0. Dette målet skulle etter det underteikna veit om fotballreglar ikkje vert godkjent. Ein spelar som tek straffesparket kan ikkje ta retur frå stolpane uten at nokon andre har vore bort i ballen. Omlag fem minutt etter var det Stryn/Oppstryn sin tur å få tildelt straffe. Ann Kristin Grodås var iskald og fastsette med det sluttresultatet til 1-1. 

Sjå kampfakta og bilder frå kampen.


28.05 Eid-Selje 1-4 (1-2)
Selje vann 4-1 borte mot Eid på Eid Stadion i ettermiddag. Selje tok leiinga seks minutt ut i kampen etter skåring av Werner Kupen. Tjue minutt ut i kampen utlikna Bjørn Totland på straffe, etter at Geir Moldestad klønete vart sparka ned inne i feltet.  Omlag fem minutt før kvilen tok Selje leiinga igjen. Karl Erik "Kalle" Årsheim sette enkelt  inn ein retur frå Aksel Myklebust. Etter 63. minutt utnytta Werner Kupen ein tabbe av Eid-keeper Aksel Myklebust. Med 3-1 leiing virka det som om Selje la seg litt lavare for å trygge sigeren. Dette gav Eid lettare spel, men Eid klarte ikkje å spele seg til dei heilt store sjansane. Rett før slutt kontra Karl Erik Årsheim inn 4-1 og sigeren til Selje var eit faktum. 

Sjå kampfakta og bilder frå kampen. 


28.05 Dagens kampar 
2. divisjon:
Sandnes Ulf-JÅFK 1-1 (1-1)

3. divisjon:
Førde-Skavøypoll 3-1 (2-1)
TMFK-Kaupanger 4-1 (2-1)

4. divisjon:
Eid-Selje 1-4 (1-2)
Askvoll/Holmedal-Loen 3-3 (0-3)
Bremanger-Eikefjord 1-2 (0-1)
Syril-Stryn II 2-3 (1-2)

5. divisjon: 
Hornindal-Jølster 5-1 (4-1)
Bjørn-Oppstryn 5-5
Vadheim/Høyang II-Vik 3-4

28.05 Trening på Eid Idrettspark i morgon kl. 19.30
Haugen trenar i morgon på Eid Idrettspark kl. 19.30-21.00. Arbeidet med kunstgrasbana nærmar seg slutten og skal vere klar til bruk i morgon kveld. 

Haugen har no slanka stallen til eit passeleg antall spelarar. Nokre har vore i kontakt for å vere med på Haugen, men det blir satsa på dei som er på laget pluss dei som ein allereie er i kontakt med. 
  


28.05 Kay Rune Solheim toppar tabellkonkurransen
Kay Rune Solheim leiar tabellkonkurransen etter at fire serierundar er ferdigspelt. I den andre enden ligg Hans Ottar Humborstad og Øyvind Løkling med god margin. Det skal mykje til om desse karane får skrape flaxlodd til hausten. 

Kay Rune Solheim 16 3
Jan Fuglesteg 16 2
Magne Elde 16 1
Jim T. Humborstad 18 2
Runar Aa. Olsen 20 0
Kay Ove Hafsås 20 0
Stian Aaland 22 2
Sindre Kvalheim 22 2
John Henrik Bjørlo 22 1
Rune Venøy 22 1
Bjørn E. Moldestad 22 1
Suj. Mohanarajah 24 1
Vebjørn Skrede 24 0
Rune Aabrekk 26 1
Stein Inge Strøm 26 1
Hildegunn Balsnes 26 0
Bjørn Erik Bruvoll 26 0
Øyvind Haraldsen 26 0
Øyvind Løkling 30 0
Hans O. Humborstad 30 0



28.05 Barrla og Rogne leiar måljegeren
Med sitt eine mål borte mot Stadlandet/Selje II er også Mohammed Barlla oppe i seks skåringar til no denne sesongen. Med fem skåringar følgjer Steffen Sture Olsen og Tommy Lykkebø. Best av Haugen sine spelarar er Jim Tore Humborstad og Reidar Hellesø med tre skåringar. 

Sjå heile lista. 

Til no denne sesongen er det laga 101 mål på 16 kampar, noko som gjev eit snitt på 6,3 mål pr. kamp. Eid II og Heia er dei to laga som er mest målkåte med 18 skåringar kvar. Eid II er mest gjerrige bakover med seks skåringar, tett fulgt av Heia med åtte.


28.05 Lilleguttane tapte 3-1 mot Sandane I
Haugen sitt lilleguttlag tapte torsdag kveld 3-1 borte mot Sandane I. Tore Haraldsen laga 1-0 til Haugen etter berre nokre få minutt men Sandane I kom tilbake og utlikna slik at stillinga til pause var 1-1. I andre omgang vart Sandane I for sterke på den søylete bana og vann til slutt 3-1. Også neste torsdag tek lilleguttane ferja over Nordfjorden, og skal denne gongen spele mot Sandane II. 

27.05 Heia imponerte borte mot Stadlandet/Selje II
Heia vann i kveld 6-0 borte mot Stadlandet/Selje II. Måla til Heia vart sett inn av Bjørn Joar Svarstad 2, Tom Roger Hjelle 2, Stein Inge Strøm og Mohammed Barlla. Dermed er Heia oppe i ni poeng på fire kampar og har berre Eid II føre seg på tabellen. 

I 3. divisjon vann Fjøra 4-3 borte mot Høyang, medan Sandane vann 1-0 heime mot Dale.  

I morgon er det duka for toppkamp på Eid Stadion, når heimelaget tek i mot Selje kl. 15.00. Også i Hornindal er det  
toppkamp i morgon. Her er det Hornindal og Jølster, som er dei to beste laga i 5. divisjon, som skal kjempe om tre poeng. 

Søndag kl. 13.00 møter damelaget til Eid damene frå innfjorden. Både Eid og Stryn/Oppstryn står med seks poeng så mykje tyder på at det blir ein jamn kamp.


26.05 Rune Venøy reiser austover
Det ser ut til at Rune Venøy reiser austover og skal spele for grøntrøyene frå Moskva resten av sesongen. Kor tid Venøy er klar for spel for grøntrøyene veit ikkje underteikna.

I morgon fredag spelar Heia bortekamp mot Stadlandet/Selje II. Stadlandet/Selje står utan poeng til no denne sesongen og Heia bør kapre tre poeng denne kampen. Men kjenner underteikna Arne Refsnes rett vil han gjere sitt til at poenga blir igjen ut med havet. 


26.05 Ta turen til Sogndal laurdag 
Sogndal spelar laurdag heimekamp mot Alta klokka 18.00. Alta er sist i Adeccoligaen og bør vere eit lag Sogndal skal valse over. Med den nye ordninga med fotballbuss frå Nordfjord kan du enkelt og billeg ta turen til Sogndal for å sjå fylket sitt beste fotballag. For skarve 300 kr får ein plass på sittetribuna og bussbillett tur/retur Fosshaugane.  

Rutetider:
Måløy 14:30
Maurstad 14:50
Eid: 15:30
Lote: 15:50
Kleivedammen: 16:10 NB!
Byrkjelo:16:30

-----

Stryn 15:30
Loen  15:40
Olden 15:45
Innvik 16:05
Byrkjelo 16:35

Framme Sogndal 17:50

Les meir om Nordfjordsamkøyringa



26.05 Jølster vann 1-0 mot Eid
Eid sitt damelag tapte noko overraskande 1-0 mot Jølster på Skei Stadion onsdag kveld. Målet til Jølster blei sett inn på straffe av Anne Kvellestad Klakegg. Med dette resultatet gjekk Jølster forbi Eid på tabellen med sine sju poeng på fire kampar. Eid er på tredje plass med seks poeng. 

I fjerde divisjon vann Selje 3-1 borte mot Stryn II, medan Førde II vann 3-2 borte mot TMFK sine nest beste. Dermed har Førde II, Loen, Eid og Selje alle ti poeng, men førde II har ein kamp meir spelt. 

Laurdag tek Eid imot Selje til toppkamp på Eid Stadion. 

26.05 Guttelaget tapte 2-1 mot Bremanger
Stian Aaland har sendt følgjande referat frå guttekampen mot Bremanger: Haugen sitt guttelag starta kampen like dårlig som i Selje, og Bremanger hadde nok sjansar til å lede med 4-5 mål etter første omgang. Men ein god Per Inge Tunold i Haugen-målet heldt nullen til det var spelt 24 minutt. Då får ein BIL-spelar ballen i feltet, legg den til side for keeper, ein Haugen spelar på streken får ikkje ballen vekk, og ballen endar i mål. 1-0 står seg til sidebytte.

Ellers må det nevnast at den ellers gode dommaren ikkje fekk med seg at ca 5 minutt før 1-0 scoringa blei Kenneth reven ned i feltet, og skulle hatt straffe...

Etter kvilen vart det litt meir jamnspelt. 6 minutt ut i 2 omgang får
Bremanger inndirekte frispark etter eit tilbakespel. BIL utnyttar eit stort
hol i muren og går opp i 2-0. Så kjem ein litt betre Haugen-periode, og
etter ca 70 minutt blir Kenneth Aaland spelt gjennom og scorar sikkert.
Nærmare kjem ikkje Hauarane, og det var fullt fortent at heimelaget vann etter nok ein skuffande svak kamp frå eit redusert Haugen-lag.

25.05 Frank Rogne leiar måljegeren
Med seks skåringar leiar Frank Rogne måljegeren når 15 av 72 kampar er spelt. Steffen Sture Olsen hoppa med sine fire skåringar mot Oppstryn II opp i fem skåringar totalt og ligg på ein delt andre plass med Tommy Lykkebø og Mohammed Barlla. Best av Haugen sine spelarar er Jim Tore Humborstad og Reidar Hellesø med tre skåringar. 

Sjå heile lista. 

Kampfakta 3. runde:

Veten/Hardbagg-Flatraket 4-3
Mål V/H: Torstein Tvinnereim, Guttorm Sæbø, Jan Ivar Vik, Tommy Lykkebø.
Mål Flatraket: Marius Svoren, Terje Vederhus, Øystein Kongsvik.

Eid II-Oppstryn II 5-1 (1-1)
Mål Eid II: Steffen Sture Olsen 4, Tore Sundal
Mål Oppstryn II: Kjetil Rudning

TMFK III-Haugen 2-1 (1-0)
Mål TMFK III: Frank Rogne 2
Mål Haugen: Rune Venøy, straffe

Stadlandet/Selje II-Heia, fredag 26. mai



25.05 Jølster trekker det eine guttelaget sitt
Jølster sine nettsider melder om at Jølster trekker det eine guttlaget sitt. Jølster 1 spelte i 2. divisjon avdeling 3 i Nordfjord og tapte 7-1 mot Eid og 5-1 mot Sandane. Alle spelarane på Jølster 1 blir overført til Jølster 2.   

24.05 Haugen tapte 2-1 mot TMFK III
Haugen tapte 2-1 i bortekampen mot TMFK på grusbana på Skaredammen. I eit ufyseleg regnver tok TMFK leiinga etter ein tabbe i Haugenforsvaret etter berre fire minutt. Eit tilbakespel vart snappa av den lynraske Frank Rogne (bildet) som enkelt kunne trille ballen i mål og heimelaget leia 1-0. Haugen heva seg etter kalddusjen og utover i omgangen rulla Haugen over eit tafatt TMFK-lag, og berre ein strålande Andreas Gaustad gjorde at Haugen ikkje putta både to og tre skåringar før kvilen. I andre omgang fortsette Haugen å skape sjansar framover. I ein 4-5-1 formasjon kom Haugen gang på gang rundt på kantane men innlegga vart ikkje ekspedert i mål. Så gjekk Haugen over til ein 4-4-2 formasjon og det virka som dette gjorde sitt til at TMFK kom meir med i kampen igjen. Eit gjennomspel vart ekspedert i mål av Frank Rogne, som sette inn sitt andre mål i kampen og auka TMFK si leiing til 2-0. På overtid fekk Haugen tildelt straffe etter at Geir Ove Refvik trudde at han var keeper og tok ballen med hendene innanfor 16-meteren. Rune Venøy sette straffa sikkert i mål. 

Hans Petter Gilleshammer spelte i kveld sin kamp nummer hundre for Haugen. Underteikna gratulerer og ynskjer lykke til med dei neste hundre.  

Sjå kampfakta og bilder frå kampen.
  

Eid II vann i kveld 5-1 mot Oppstryn II på heimebane. Oppstryn II tok leiinga 1-0, men Eid kom sterkt tilbake. Stillinga til pause var 1-1.



22.05 Berre eit poeng til Loen mot TMFK II
Loen greidde berre uavgjort 1-1 mot TMFK II på Loen Stadion i dag. Loen sin målkonge, Anton Andre Sande, putta sitt niande mål for sesongen men det holdt ikkje til meir enn eit poeng i dag. Odd Gunnar Myhre kom inn ti minutt ut i andre omgang og takke for tilliten med å banke inn 1-1 sju minutt før slutt. 

Med dette resultatet ligg Loen og Eid heilt likt på toppen av 4. divisjonstabellen med ti poeng. Onsdag møtest Stryn II og Selje på Stryn Stadion. Med seier i denne kampen er Selje også oppe i ti poeng og tangerer Loen og Eid.  


22.05 TMFK III-Haugen tysdag kl. 19.00
Veten/Hardbagg vann fredag kveld 4-3 heime mot Flatraket. Måla til Veten/Hardbagg vart sett inn av Torstein Tvinnereim, Guttorm Sæbø, Jan Ivar Vik og Tommy Lykkebø.

Veten/Hardbagg ligg med dette resultatet på 5. plass på tabellen med sine seks poeng på fire kampar. Flatraket ligg på plassen bak med tre poeng.  

22.05 TMFK III-Haugen tysdag kl. 19.00
Haugen sin bortekamp mot TMFK III blir spelt på Måløy Stadion tysdag 24. mai kl. 19.00.   

Ver også med å tipp sluttresultatet i kampen TMFK III-Haugen 24. mai og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 

Heimekampen mot Stadlandet/Selje II er flytta frå fredag 3. juni til laurdag 4. juni kl. 15.00. Dette på grunn av at Selje spelar kamp same dag og derfor kan ikkje Selje/Stadlandet stille lag 


21.05 Kven er dette???
Siste frist for å sende inn svar på konkurransen nærmar seg. Vi skal fram til ein markant spelar på Stårheim sitt A-lag. Spelaren spelte back for klubben og var trofast mot laget i heile si karriere. Han hadde si storhetstid på slutten av åttitalet, og høgdepunktet var då han vart kåra til banas beste i ein bortekampen mot Askvoll/Holmedal. Svaret kan du sende på e-post. (s.hoynes@frisurf.no)

Vinnaren får eit eksklusivt Haugen-krus. Er det fleire som sender inn rett svar blir vinnaren trekt ut.  

Ver også med å tipp sluttresultatet i kampen TMFK III-Haugen 24. mai og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 


21.05 Trening og spelarmøte søndag
På grunn av dugnaden på kunstgrasbana på Eid blir treninga søndag kl. 20.00-21.30. 

Rett etter treninga blir det spelarmøte og flest mogleg må møte. 

21.05 Braktap for Skavøypoll mot Høyang
Skavøypoll kom fort ned på jorda igjen etter 1-0 seieren mot TMFK 16. mai. På heimebane blei det i dag heile 0-5 mot Høyang, etter at Høyang leia 1-0 til pause.  

Dagens resultat 3. divisjon:
Skavøypoll-Høyang 0-5
Fjøra-TMFK 1-1 (0-1)

4. divisjon:
Selje-Bremanger 3-0
Askvoll/Holmedal-Syril 2-2
Førde II-Eid 0-2 (0-1)
Eikefjord-Stryn II 7-3 

2. divisjon avd. 3
JÅFK-Stord/Moster 0-4 (0-1)


21.05 Eid vann mot Førde II
Eid vann 2-0 mot Førde sitt andrelag på kunstgraset i Førde, etter to skåringar av Anders Midthjell. Eid tok leiinga 1-0 rett før pause og auka til 2-0 etter ti minutt av andre omgang. Arne Morten Nydal informerer frå kampen at Førde pressa hardt på slutten av kampen, men storspel av Aksel Myklebust og Erik Salveson gjorde at Eid holdt nullen og berga tre poeng. Nydal vil også trekke fram Kay Even Risøy og Bjørn Totland som spelte ein god kamp på midtbana til Eid. Kristian Holmøy debuterte for Eid med å spele siste kvarteret av kampen. 

Førde II-Eid 0-2 (0-1)
0-1 Anders Midthjell (42. min)
0-2 Anders Midthjell (55. min)


21.05 TMFK greidde 1-1 mot Fjøra med ti mann
TMFK greidde uavgjort 1-1 borte mot Fjøra etter å ha spelt med ti mann nesten heile kampen. Eirik Rutledal fekk sjå det raude kortet av dommar Jonny Skjerven då han hevna seg på Rolf Vidar Hansen. Rutledal blei grusomt takla av Hansen og Rutledal svarte med å skubbe Hansen i bakken. Fjøra nett sider melder om ein fartsfull 1. omgang på Sogndal Stadion, medan i andre omgang la TMFK seg forståleg nok bakpå.

Fjøra-TMFK 1-1 (0-1)
0-1 Rune Solvang (29. min)
1-1 Øystein Hesjedal (71. min)

Fakta er henta frå Fjøra sine nettsider. 

Med dette resultatet er Fjøra opp i 16 poeng, medan TMFK har 8 poeng etter seks kampar. Før denne seierunden har både Stryn og Førde 13 poeng og kan komme ajour med Fjøra på tabelltoppen i 3. divisjon. i   


20.05 Heldig siger for guttelaget
Stian Aaland har sendt følgjande referat frå kveldens guttekamp:
Eit litt redusert guttelag var i aksjon på Selje Stadion fredag. Første
omgang var eit stort virvar, med masse sleivspark og feilpasningar.
Selje/Stadlandet var strengt tatt det klart beste laget gjennom store delar av kampen. Simeon Mavropolous, som vikarierte i Haugen målet på ein utmerka måte, var både god og heldig som heldt nullen i første omgang. Ballen small i stengene fleire gonger, og det var griseflaks at heimelaget ikkje utnytta rotet til hauarane og sette ballen i mål. For rot var det fryktelig mykje av, både i forsvar og angrep. Mot all forventning var det bortelaget som scora først, etter 24 minutt når Kenneth Aaland sette Haugen sin einaste målsjanse i omgangen i mål. 0-1 held seg til pause. 

Etter sidebytte fortsette presset frå heimelaget, med enda fleire
stolpeskot, og det gjekk som det måtte gå: etter 50 minutt utnyttar Andreas Drage rot i Haugen-forsvaret og utliknar til 1-1. Så kjem 20 jamnspelte minutt før Kenneth Aaland nok ein gong får sjansen i 16-meteren. Han skyt forbi keeper og i mål, og scorar sitt andre for dagen ti minutt før slutt. 2-1 står seg til dommaren bles av kampen.

20.05 Dugnad på kunstgrasbana
Haugen stilte i kveld med folk i dugnadsgjengen på kunstgrasbana på Eid. Nesten heile grasdekket er no rulla ut og arbeidet med å lime i hop rullane er i full gang. 

Etter planen skal kunstgrasbana vere klar til bruk fyrste helga i juni. 

Hans Petter tok turen inn for å sjekke at arbeidet vart skikkeleg utført, og det såg ut til at han var godt fornøgd. 

Sjå bilder frå dugnaden.


Eid spelar i morgon bortekamp mot Førde II på Kunsgraset i Førde. Bjørn Totland var på trening i dag og er klar til kampen i morgon. Men ein del av spelarane slit med sjukdom og det ser ut til at Håvard Bruvoll, Stein Inge Aabrekk og Stig Torheim må alle stå over kampen i morgon. I tillegg slit Kim Vik og Kay Rune  Solheim med skader.  


20.05 To uavgjortkampar i 3. divisjon
Ei skåring av Benny Rivedal tre minutt på overtid fråtok Dale sin fyrste heimesiger denne sesongen. Hugo Fretland gav Dale leiinga rett etter kvilen, men bortelaget sto på til siste slutt og berga uavgjort. 

I den andre kampen i 3. divisjon som blei spelt i kveld blei det uavgjort mellom Florø og Sandane. John-Felipe Holmgren gav Florø leiinga etter fire minutt, medan Runar Eikenes utlikna til 1-1 omlag halveis ut i fyrste omgang. 

Fakta er henta frå Firda.no

I 5. divisjon held Hornindal fram med å imponere. I dag blei det 2-1 siger borte mot Oppstryn på Lund Stadion. Dermed toppar Hornindal tabellen med full pott etter fire serierundar, medan Oppstryn er sist med sitt eine poeng. 
  

19.05 Stårheim IL fyller 70 år i dag

Haugen Fotball gratulerer Stårheim IL med 70-årsdagen. 

Lilleguttlaget til Stårheim feira dagen med å spele heimekamp mot Sandane sitt andrelag. Kampen gjekk vel ikkje heilt slik arrangøren ville, men det unge stårheimslaget imponerte med god innsats og godt humør. Stårheim spelar neste kamp borte mot Eid torsdag 26. mai. 

Sjå bilder frå kampen. 

Haugen sine lilleguttar spelte i dag heimekamp mot Svelgen. Referat frå denne kampen blir lagt ut så snart Stian Aaland får sendt det. 


19.05 Trening fredag 20. mai
På grunn av dugnaden på kunstgrasbana på Eid fredag kveld trenar A-laget kl. 20.00-21.30. 

Ellers så har underteikna fått inn ny informasjon om personen som er skjult bak avisa i den pågåande konkurransen. Kay Ove Hafsås kan informere om at personen også vart kåra til bortelagets beste i bortekampen mot Vadheim på åttitalet. 

Svar kan sendast på e-post.      

18.05 Dugnadsplan kunstgrasbana på Eid
Haugen Fotball skal stille med folk til dugnadsarbeidet på kunsgrasbana på Eid.

Fredag 20.05. kl 16.00-20.00:
Vegard Løken, Vebjørn Skrede, Stian Bjørlo, Ståle Sandal, Eirik Andreassen og Jim Rune Skrede. 

Søndag 22.05. kl 16.00-20.00:
Runar Øien, Ove Balsnes, Jan Roger Solibakke, Odd Kjetil Liset, Mikael Myklebust, Thomas Dalsbø, Knut Atle Krossøy og Øystein Haugland. 

Måndag 23.05. kl 16.00-20.00:
Hans Petter Gilleshammer, Stig Tore Gilleshammer, Bjørn Erik Bruvoll, Hans Thomas Solheim og Øyvind Løkling

Torsdag 26.05. kl 16.00-20.00:
Rune Venøy, Roger Nygård, Hans Ottar Humborstad, Jim Tore Humborstad, Cato Magne Humborstad og Bjørnar Øien

I tillegg skal Haugen stille med folk laurdag 28. mai kl. 16.00-20.00, og søndag 29. mai kl. 12.00-16.00. 

NB! Det er pliktig frammøte. 
Det er høve til å bytte vakter innbyrdes. 

Dersom ein ikkje møter til dugnad må ein betale 100 kroner timen i dugnadsavgift. 

Eirik Andreassen




18.05 Kven er dette???
Haugen Fotball prøvar seg med ein liten konkurranse. Vi skal fram til ein markant spelar på Stårheim sitt A-lag. Spelaren spelte back for klubben og var trofast mot laget i heile si karriere. Han hadde si storhetstid på slutten av åttitalet, og høgdepunktet var då han vart kåra til banas beste i ein bortekampen mot Askvoll/Holmedal.  Svaret kan du sende på e-post. (s.hoynes@frisurf.no)

Vinnaren får eit eksklusivt Haugen-krus. Er det fleire som sender inn rett svar blir vinnaren trekt ut.  

Ver også med å tipp sluttresultatet i kampen TMFK III-Haugen 24. mai og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka
 


GRATULERER MED DAGEN !

Haugen Fotball vil 
ynskje alle ein fin Nasjonaldag.


16.05 Resultat 3. divisjon 
TMFK tapte i dag 1-0 heime mot Skavøypoll på Måløy Stadion. John Martin Gil avgjorde kampen med si skåring etter 23 minutt av fyrste omgang. 

Kåre Sigve Balsnes (bildet) laga det siste målet då Stryn vann 5-2 borte mot Sandane.

TMFK-Skavøypoll 0-1 (0-1)
0-1 John Martin Gill (23. min)

Sandane-Stryn 2-5 (0-3)
0-1 Mats Solheim (17. min)
0-2 Ulrik Flo (26. min)
0-3 Jon Terje Tjellaug (43. min)
1-3 Ruben Wie (66. min)
2-3 Ruben Wie (68. min)
2-4 Frank Hool (81. min)
2-5 Kåre Sigve Balsnes (88. min)

Kaupanger-Fjøra 1-2 (0-2)
0-1 Arild Underdal (16. min)
0-2 Rolf Vidar Hansen (42. min)
1-2 Preben Strypet (66. min)

Høyang-Dale 2-1 (1-1)
0-1 Geir Harald Langeland (20. min)
1-1 Robin Frichsen (45. min)
2-1 Ole Petter Haugstvedt (71. min)

Førde-Florø 4-1 (2-1)
0-1 Stian Tansøy (17. min)
1-1 Pål Arve Myklebust (19. min)
2-1 Benny Rivedal (29. min)
3-1 Benny Rivedal (51. min)
4-1 Benny Rivedal (72. min)   

Kilde: Firda.no



15.05 Kven er dette???
Haugen Fotball prøvar seg med ein liten konkurranse. Vi skal fram til ein markant spelar på Stårheim sitt A-lag. Spelaren spelte back for klubben og var trofast mot laget i heile si karriere. Han hadde si storhetstid på slutten av åttitalet, og høgdepunktet var då han vart kåra til banas beste i ein bortekampen mot Askvoll/Holmedal. 

Svaret kan du sende på e-post. (s.hoynes@frisurf.no)

Vinnaren får eit eksklusivt Haugen-krus. Er det fleire som sender inn rett svar blir vinnaren trekt ut.  


15.05 Magne Elde leiar framleis tabellkonkurransen
Magne Elde frå Bremanger leiar framleis tabellkonkurransen etter at tre serierundar er spelt. Tabellen blir ikkje heilt riktig ettersom laga ikkje har spelt like mange kampar. 

Navn Poeng Rett plass
Magne Elde 12 2
Kay Rune Solheim 14 2
Jim Tore Humborstad 16 3
Runar Aaning Olsen 16 0
Jan Fuglesteg 16 0
John Henrik Bjørlo 18 3
Kay Ove Hafsås 18 0
Stian Aaland 20 2
Rune Aabrekk 20 1
Rune Venøy 20 1
Vebjørn Skrede 20 1
Stein Inge Strøm 22 3
Bjørn Egil Moldestad 22 1
Hildegunn Balsnes 22 1
Sujeevan Mohanarajah 22 1
Bjørn Erik Bruvoll 22 0
Øyvind Løkling 24 1
Sindre Kvalheim 24 0
Øyvind Haraldsen 24 0
Hans O. Humborstad 28 0

14.05 Resultat laurdag 14. mai
2. divisjon: 
Flekkerøy-JÅFK 3-0 (0-0)

4. divisjon: 
Bremanger-Førde II 1-1
Syril-Eikefjord 2-1
TMFK II-Askvoll/Holmedal 2-2

5. divisjon:  
Bjørn-Svelgen 8-2
Hyen-Oppstryn 2-1
Hornindal-Vik 3-0

14.05 Damelaget til Eid vidare til 2. runde i NM
Eid vann i dag 3-0 mot Brattvåg og er klar for 2. runde i årets NM. Etter ein mållaus fyrste omgang, tok Eid meir og meir over i andre omgang og vann til slutt heilt fortent. Måla til Eid vart sett inn av Mariann Sigdestad, Tonje Norheim Tangerud og Sunniva Hagen. 

Sjå kampfakta og bilder frå kampen.

Damelaget til Eid spelar seriekamp borte mot TMFK/Flatraket måndag 16. mai. 


14.05 Eid tapte 3-2 mot Loen
Eid spelte nok ein skuffane kamp på heimebane, og måtte gå av bana med null poeng. Fyrste omgang var Loen det klart beste laget og Eid var heldige som gjekk til kvilen på stillinga 1-1. Anton Andre Sande gav Loen leiinga etter omlag 25 minutt, medan Eid si utlikning kom på frispark av Stian Sandal to minutt på overtid. Andre omgang starta med at Erik Høgalmen blei dratt ned i feltet av Geir Moldestad. Dommar Stian Holm peika på straffemerket, og Anton Andre Sande sette sikkert inn 2-1 til Loen. Ti minutt etter var Sande på rett plass igjen til rett tid og avslutta eit glimrande angrep til 3-1 til Loen. Eid pressa på for skåring og etter omlag tjue minutt av andre omgang reduserte Erik Salveson til 3-2. Men fleire mål blei det ikkje i kampen og Loen tok velfortent med seg 3 poeng inn att i fjorden. Eid fekk mykje kritikk for manglande speaker  på siste heimekamp, men i dag hadde Nydal fått orden på sakeneog Arild Heggen informerte dei over 200 tilskodarane på ein framifrå måte.

Sjå kampfakta og bilder frå kampen.     


13.05 Damelaget møter Brattvåg i fyrste runde
Mariann Sigdestad og Eid møter Brattvåg i fyrste runde i NM. Kampen blir spelt på Eid Stadion laurdag 14. mai kl. 17.30. 

Bortekampen mot TMFK/Flatraket som også var terminfesta til i morgon er flytta til måndag 16. mai. 


Herrelaget til Eid spelar heimekamp mot Loen i morgon kl. 15.00.  Dermed er det duka for mykje fotball på Eid Stadion i morgon ettermiddag. 

Møt fram og hei fram damene til avansement i cupen og herrene til framleis tabelltopp i 4. divisjon.
  


13.05 Mohammed Barlla leiar måljegeren 
Med fem skåringar på tre kampar er Mohammed Barlla frå Heia toppskårar i 6. divisjon avdeling 4. Frank Rogne og Tommy Lykkebø følgjer rett bak med fire skåringar. Reidar Hellesø var også oppe i fire skåringar men ein jury har bestemt at målet han blei kreditert mot Veten/Hardbagg var eit sjølvmål av Torstein Tvinnereim. 

Det er totalt laga 79 skåringar på dei 12 kampane som er spelt til no i sesongen. Dette gjev eit snitt på 6,6 skåringar pr. kamp. Det er til no denne sesongen laga fire sjølvmål, noko som er dobbelt så mange som heile 2004 sesongen. 

Sjå heile lista
 


13.05 Haugen vann 8-4 mot Stårheim
Lilleguttlaget til Haugen vann 8-4 mot blåtrøyene frå Stårheim torsdag kveld. Måla til Haugen vart laga av Tore Haraldsen (4),
Jon Simen Myrstad (2), Vebjørn Nord Haugland og Kenneth Remme. 

Haugen sine unge håpefulle spelar neste kamp heime mot Svelgen torsdag 19. mai.  Vel møtt!

11.05 Tonje-show på Eid Stadion
Tonje Nordheim Tangerud (TNT) laga fem mål då Eid sitt damelag slo Hornindal 7-0 på Eid Stadion i kveld. Eid spelte i periodar meget fin fotball og ein del av skåringane kom etter praktfullt angrepsspel. Eid leia 5-0 til pause og andre omgang bar preg av at kampen var avgjort før laga gjekk til kvilen. Mariann Sigdestad laga eit mål, medan det siste var sjølvmål.    

Sjå kampfakta og bilder frå kampen.

Neste seriekamp for Eidadamene er borte mot TMFK/Flatraket måndag 16. mai. TMFK/Flatraket tapte 6-1 mot Oppstryn/Stryn i fyrste kampen. 


11.05 Haugen-Skavøypoll 5-4 (3-2)
Vår faste referent Stian Aaland har sendt følgjande referat:
Guttelaget slo Skavøypoll på Klenkarberget onsdag. "Polljen" scora eit
tidleg mål, etter ein vaklande start av heimelaget. Dei gjekk og opp til 2-0 før hauarane vakna til live, og Thomas Starheim og Kenneth Aaland dunka inn kvart sitt mål, før Kjetil Remme sende Haugen i føringa. 3-2 held seg til pause.
I andre omgang sprang Jonas Rye Tvendeseter frå Skavøypoll-forsvaret kvar gong han fikk sjansen til det. Først la han inn til Olav Espe som la på til 4-2, før han putta inn 5-2 målet sjølv. Så begynte Skavøypoll å presse på framover, dei reduserte to gonger før slutt og jaga utlikning, men kampen enda 5-4 til Haugen, noko som må seiast å vere fullt fortent utifrå spel og sjansar.

10.05 Knepen siger til Haugen
Haugen vann i kveld 4-3 mot Veten/Hardbagg på Klenkarberget. Dei fleste trudde at denne kampen skulle bli ein enkel seier for sebratrøyene, men laget med berre høgrebeinte spelarar frå indre Nordfjord gav Haugen kamp til siste slutt. På stillinga 4-3 rett før slutt kunne Veten/Hardbagg sin bestemann, Torstein Tvinnereim, berga eit poeng til laget i rødt. Headinga frå kloss hold gjekk hårfint over og Haugen kunne puste letta ut. Best på Haugen var Gustav Orheim. Spesielt i fyrste omgang ruva Orheim i forsvaret til Haugen. 

Sjå kampfakta og bilder frå kampen.


10.05 Laget mot Veten/Hardbagg
Haugen stiller med dette laget i seriekampen mot Veten/Hardbagg på Klenkarberget i dag kl. 19.00:

Keeper: Vegard Løken

Forsvar:
Jan Roger Solibakke, Ove Balsnes, Gustav Orheim og Stian Bjørlo

Midtbane:
Jim Tore Humborstad, Bjørnar Øien, Rune Venøy og Øystein Haugland

Spissar:
Reidar Hellesø og Roger Nygård

Ver med å tipp sluttresultatet i kampen og vinn eit Haugen krus. Den fyrste som sender inn rett svar vinn det eksklusive Haugenkruset. 

Siste frist er sett til 18.30. 

Tipset legg du inn i gjesteboka
 

09.05 Troppen mot Veten/Hardbagg
Eirik Andreassen har tatt ut følgjande spelarar til heimekampen mot Veten/Hardbagg på Klenkarberget tysdag 10. mai kl. 19.00.
Vegard Løken, Ståle Sandal. Jan R Solibakke, Gustav Orheim, Stian Bjørlo, Ove Balsnes, Jim Tore Humborstad, Runar Øien, Bjørnar Øien, Øystein Haugland, Cato Magne Humborstad, Mikael Myklebust, Stian Aaland, Roger Nygård, Rune Venøy, Stig Tore Gilleshammer, Reidar Hellesø og Hans Petter Gilleshammer. 

Ver med å tipp sluttresultatet i seriekampen Haugen/Veten/Hardbagg og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka.

07.05 Stryn seglar i medvind
Stryn held fram å imponere i den lokale 3. divisjon. I dag blei det 2-1 siger mot Førde på Stryn Stadion. Mats Solheim, som har laga to mål i kvar kamp til no, held fram og sette inn Stryn sitt fyrste mål. Solheim er med det toppskårar i 3. divisjon med sju fulltreffarar på fire kampar. Per Ole Tenden laga det andre målet til Stryn, medan Idar Haugen Rochlenge gav Førde leiinga 1-0 på straffe.  

Andre resultat:
Skavøypoll-Kaupanger 2-1 (0-1)
Dale-TMFK 2-4 (1-3)
Florø-Høyang 2-2 (1-2)
Sogndal II-Sandane 1-0 (0-0) fredag

2. divisjon:
Ålgård-Jotun Årdalstangen 1-2 (0-1)

5. divisjon: Vik-Hyen 4-0



07.05 Magne Elde leiar tabellkonkurransen
Magne Elde frå Bremanger leiar tabellkonkurransen etter at to serierundar er spelt. Tabellen blir ikkje heilt riktig ettersom laga ikkje har spelt like mange kampar. 

Navn Poeng Rett plass
Magne Elde 14 1
Kay Rune Solheim 16 2
Bjørn Egil Moldestad 18 3
Runar Aaning Olsen 18 2
Kay Ove Hafsås 18 1
Jim Tore Humborstad 18 1
Rune Aabrekk 20 2
Rune Venøy 20 1
Hildegunn Balsnes 20 1
Stian Aaland 22 2
Bjørn Erik Bruvoll 22 0
Sindre Kvalheim 22 0
Jan Fuglesteg 22 0
John Henrik Bjørlo 22 0
Sujeevan Mohanarajah 24 1
Vebjørn Skrede 24 0
Stein Inge Strøm 26 1
Øyvind Løkling 26 1
Øyvind Haraldsen 26 0
Hans O. Humborstad 32 0

07.05 Frank Rogne leiar måljegeren
TMFK III-spelar Frank Rogne leiar måljegeren med fire mål, etter to serierundar i årets 6. divisjon. På plassen bak følgjer Reidar Hellesø og Mohammed Barla. 

Det er laga totalt 57 mål på dei åtte kampane som er spelt til no denne sesongen. Noko som gir eit snitt på 7,1 mål pr. kamp. Det er laga to sjølvmål, og begge har gått i favør av TMFK III. 


Sjå heile lista 

06.05 Enkel seier for Heia
Heia vann i kveld 6-2 mot Veten/Hardbagg på Plassen. Heia kom best i gang i kampen og i fyrste omgang var det reinaste stormløpet mot John Rasmus Sæbø i Veten/Hardbagg målet. Mohammed Barla var fyrst frampå etter drøye kvarteret og 1-0-målet blei feira på vanleg Barlamåte. Heia held fram med å skape store sjansar og gav seg ikkje før dei hadde putta fire ballar i nettet før pause. Andre omgang blei meir jamnspelt med eit lite overtak til Heia. Veten/Hardbagg reduserte til 4-1 omlag midtvegs i omgangen etter skåring av Jan Ivar Vik. Men seieren til Heia var aldri trua og med to skåringar til rett før slutt var seieren i boks. På overtid fastsette Tommy Lykkebø sluttresultatet til 6-2. 

Heia spelte ein god kamp i kveld og best på laget var Bjørn Joar Svarstad. 


Sjå kampfakta og bilder frå kampen.



06.05 Askvoll/Holmedal-Eid 1-6 (0-1)
Eid vann overbevisande 6-1 borte mot Askvoll/Holmedal i kveld. Bjørn Totland var tilbake i Eidtrøya og han var med sine to skåringar sterkt delaktig til at Eid fekk med seg tre poeng. Stian Sandal gav Eid leiinga 1-0, noko som også blei pauseresultatet. I andre omgang var det lite tvil om kven som var best og Eid gav seg ikkje før dei hadde putta seks ballar i nettet. Askvoll/Holmedal sitt trøystemål kom på stillinga 3-0 og vart sett inn av Ole Petter Mundal. Raportane frå kampen seier at best på Eid var Håvard Bruvoll.

Måla til Eid vart sett inn av: Bjørn Totland (2), Anders Midthjell, Kim Vik, Kay Even Risøy og Stian Sandal. 

Med dette resultatet er Eid på fyrsteplass i 4. divisjon, og det bør dei også vere når serien er ferdigspelt.

Andre resultat: 
Førde II-Stryn II 8-1
Loen-Bremanger 7-1
Selje-Eikefjord 4-2
TMFK II-Syril 3-2 (torsdag)



05.05 Stor spelarstall
Haugen har denne sesongen ein stor spelarstall. Med omlag 35 spelarar som er med å konkurrerar om dei 11 plassane i startoppstillinga seier det seg sjølv at det er hard kamp om plassane på laget.

Sjå heile spelarstallen. 

Neste kamp for Haugen er mot Veten/Hardbagg tysdag 10. mai kl. 19.00 på Klenkarberget. 

Ver med å tipp sluttresultatet i seriekampen Haugen-Veten/Hardbagg og vinn eit Haugen krus. Den fyrste som sender inn rett svar vinn det eksklusive Haugenkruset. 

Tipset legg du inn i gjesteboka.

Veten/Hardbagg har hatt ein bra start på sesongen med siger 4-2 borte mot Skavøypoll II. 

I morgon, fredag, spelar Heia heimekamp mot nettopp Veten/Hardbagg. Det var eigentleg Veten/Hardbagg som var oppsett med heimekamp, men bana deira er dekka med snø så laga har bytta om kampane. Kampen blir truleg spelt på plassen klokka 19.00.  



05.05 Vebjørn ute med skade i tre-fire veker
Vebjørn Skrede skada seg i ein duell i kampen mot Eid II og er ute i 3-4 veker. Legen hadde mistanke om brudd i foten og sende Vebjørn røntgen på sjukehuset. Heldigvis var det ikkje brudd, men ei kraftig forstuing og Vebjørn må ta det rolig dei neste tre-fire vekene.   

05.05 Ta turen til Sogndal i dag 
Sogndal spelar i dag heimekamp mot Pors Grenland klokka 18.00. Med den nye ordninga med fotballbuss frå Nordfjord kan du enkelt og billeg ta turen til Sogndal for å sjå fylket sitt beste fotballag. For skarve 300 kr får ein plass på sittetribuna og bussbillett tur/retur Fosshaugane.  

Rutetider:
Måløy 14:30
Maurstad 14:50
Eid: 15:30
Lote: 15:50
Kleivedammen: 16:10 NB!
Byrkjelo:16:30

-----

Stryn 15:30
Loen  15:40
Olden 15:45
Innvik 16:05
Byrkjelo 16:35

Framme Sogndal 17:50

Les meir om Nordfjordsamkøyringa



04.05 Haugen slo Heia, og Eid slo Haugen
Det var ein stolt trenar Ståle Sandal som kunne fortelje at Haugen sitt småjentelag vann 7-0 over Heia tysdag kveld. Måla til Haugen vart sett inn av Mariell Starheim (4), Hildegunn Remme (2) og Gina Beate Sørland.  Småjentelaget spelar neste kamp borte mot TMFK I tysdag 24. mai.

Lilleguttlaget som vann mot Sandane sist veke tapte tysdag kveld mot Eid. Haugen var bra med i fyrste omgang og etter skåringar av Vebjørn Espe, Vebjørn Nord Haugland og Tore Haraldsen var stillinga til pause 4-3. I andre omgang tok Eid meir over og vann til slutt 7-3. 

03.05 Haugen møtte overmakta
Haugen tapte i dag heilt fortent 4-0 mot Eid II. Kampen starta med ein stillingskrig på midtbana uten dei heilt store sjansane. Kvarteret før pause tok Eid fullstendig over og med fire skåringar punkterte dei kampen. I denne perioden varta Eid opp med storspel og med litt hjelp frå Haugen sine spelarar vart 2. omgang ein rein transportetappe. Best på eit godt Eidlag var Geir Moldestad, Anders Midthjell og tomålsskårar Jegathees Kathiravel. 

Sjå kampfakta og bilder frå kampen. 

Andre resultat i dagens runde: 
Oppstryn II-Flatraket 0-4
TMFK III-Skavøypoll II 6-3


03.05 Husk kampen i dag kl. 19.20 !!!
Husk seriekampen mot Eid II på Eid Stadion i dag kl. 19.20. Eid II vann fyrste runde mot Heia 4-3, medan Haugen nedsabla Oppstryn II med 12-0. I dag blir det nok hardare motstand for Haugen og det blir spennande å sjå om det blir tre poeng til Haugen i kveld. 

Tips til sluttresultat haglar inn i gjesteboka, men det er plass til mange fleire. Vi set siste frist for å sende inn tips til kl. 19.00. 

Den fyrste som sender inn rett svar vinn det eksklusive Haugenkruset. Derfor er det dumt å tippe det same som nokon har tippa før.  

Tipset legg du inn i gjesteboka.



02.05 Fyrste runde i NM fotball
Stryn har fått heimekamp mot Hødd i fyrste ordinære runde i NM. Dermed er det duka for nok ein stor cupkamp på Stryn Stadion. Høyang får besøk av "storebror" Sogndal på Sletta i Høyanger, medan JÅFK er sett opp med bortekamp mot Radøy/Manger. 

Kampane er terminfesta til onsdag 11. mai. 

02.05 To kampar i 3. divisjon i kveld
Førde vann i kveld 3-1 heime mot Sogndal II, etter at stillinga til pause var 1-1. Måla til Førde vart sett inn av Alexander Hjelmeland Rygg (2) og Benny Rivedal. Trøystemålet til Sogndal II var signert Kim Rune Hellesund. 

I den andre kampen vann Sandane 3-2 borte mot JÅFK II. Morten Brandsdal og Stian Øy laga måla til JÅFK II, medan Espen Denk (2) og Aleksander Egge var målskårarar for Sandane. 

Kilde kampfakta: Firda.no

 

Siste Nytt januar-april 2005
Siste Nytt 2004
Siste Nytt 2003
Siste Nytt 2002
Siste Nytt 2001/00

 

 

 






Haugen I.L. Fotballgruppa  -  Web-redaktør: Stig Høynes