Fotballsesongen 2009

Eid - Fjøra 2-2 (1-2)
Treningskamp, Eid Idrettspark, 12. februar kl. 19.00 Eid: Jim Rune Hoddevik Arild Magnus Bjørhovde Rindal (Torbjørn Aabrekk 78. min) Johannes Myklebust (Ole Gunnar Midtbø 22. min) Thomas Starheim Geir Moldestad (Kay Even Risøy 65. min) Håvard Bruvoll Anders Midthjell (Sondre Kullsveen 58. min) Kim Vik (Øystein Aabrekk 76. min) Espen Vadøy Jonas Rye Tvendeseter (Marius Hagen 65. min) Christoffer Hafsås (Geir Moldestad 84. min) Fjøra: Patrik Fritzon Kyrre Mats Myren (Sigurd Fardal Nes 48. min) Ole Morten Kvam Roger Birkeland Roger Hjellhaug Eilert Brox Holme (Warsame Adam 48. min) Torbjørn Ylvisåker Jens-Ivar Nilsen Ronny Einan Frode Kvam Arild Underdal Eid-Fjøra 2-2 (1-2) 0-1 Torbjørn Ylvisåker (2. min) 0-2 Frode Kvam (33. min) 1-2 Christoffer Hafsås (35. min) 2-2 Christoffer Hafsås (81. min) Kort: Ingen Dommar: Rune Haugland, Haugen Assistentdommarar: Gloriyan Sureskumar Kathirave, Eid og Muhamet Barlla, Eid
Eid og Fjøra spelte i kveld uavgjort 2-2 på Eid Idrettspark. Fjøra hadde det meste av spelet før kvilen, medan Eid var det beste laget etter pause. Fjøra tok leiinga i kampen allereie etter to minutt. Ein corner gjekk forbi fire-fem spelarar før den enda opp hos Torbjørn Ylvisåker som scora frå kort hold. I mesteparten av 1. omgang var Fjøra klart meir på hugget enn heimelaget. Fjøra stressa Eid høgt oppe på bana noko som førte til at laget vann ballen fleire gongar i gunstige posisjonar. Dette resulterte i fleire gode sjansar til Fjøra, og etter 33 minutt auka Frode Kvam Fjøra si leiing til 2-0. Eid sin unge keeper var uheldig då han skulle ut å fange ein enkel ball og Frode Kvam kunne trille ballen i tomt mål. Dette såg ut til å tenne Eid og siste delen av omgangen var Eid det førande laget. Ti minutt før pause stal Christoffer Hafsås ballen etter ein tabbe i Fjøra sitt forsvar. Åleine mot keeper Patrik Fritzon var Hafsås ein kald fisk og løfta ballen over ein utrusande keeper. Like etter var Kim Vik heilt åleine gjennom, men denne gongen fekk Fritzon avverga til corner. Fleire scoringar blei det ikkje før pause og laga tok ein velfortent pust i bakken på stillinga 1-2. I andre omgang virka det som at Fjøra sitt høge press før pause hadde tappa laget for krefter. Eid var langt friskare og med unntak av siste ti minutta var det heimelaget som produserte det som var av sjansar. Etter 57 minutt var Christoffer Hafsås centimeter frå å utlikne til 2-2 etter flott forarbeid av Kim Vik. Hafsås sklei fram på innlegget frå høgrekanten, men uheldigvis for Hafsås og Eid gjekk ballen like utanfor. Kvarteret før slutt var Hafsås på farten igjen inne i Fjøra sin 16-meter. Hafsås heada ballen over keeper, men eit akrobatisk hopp av Ole Morten Kvam hindra scoring. Knappe ti minutt før slutt skulle Hafsås få si andre scoring i kampen. Hafsås var sjølv nede på ein corner og fekk heada ballen utover. Etter eit par trekk enda ballen opp hos Marius Hagen som slo ein glimrande stikkar til Hafsås som kom med sjumilssteg. På omlag 30 meter stoppa han opp og løfta ballen lekkert over keeper. Etter Eid si utlikning til 2-2 hadde Fjøra tre-fire store sjansar til å sikre seieren i kampen. Dårlige avslutningar kombinert med glimrande keeperspel av Jim Rune Hoddevik gjorde at kampen til slutt ebba ut med 2-2.